ന്യൂയോര്ക്ക്: അമേരിക്കന് പ്രസിഡന്റ് തെരഞ്ഞെടുപ്പിന്റെ പ്രചാരണം ഒരാഴ്ചത്തെ ഇടവേളയ്ക്ക് ശേഷം ശക്തമാക്കി ജോ ബൈഡന്. എതിരാളി ഡൊണാള്ഡ് ട്രംപ് കൊറോണ ബാധിച്ച് ആശുപത്രിയില് പ്രവേശിപ്പിക്കപ്പെട്ടതു മുതല് ബൈഡന് ട്രംപിനെതിരായ വ്യക്തിപരമായ എല്ലാ പരാമര്ശങ്ങളും പിന്വലിച്ചിരുന്നു. ട്രംപ് കൊറോണ പ്രതിരോധത്തോടു കാണിക്കുന്ന അലംഭാവം ബൈഡന് പ്രചാരണ ആയുധമാക്കിയിരുന്നു. എന്നാല് ട്രംപ് ആശുപത്രിയിലായപ്പോള് പ്രചാരണത്തിനു പയോഗിച്ച ട്രംപ് വിരുദ്ധ പോസ്റ്ററുകളെല്ലാം നീക്കം ചെയ്യുകയാണ് ബൈഡന് ആദ്യം ചെയ്തത്.
ഡെമോക്രാറ്റിക് പാര്ട്ടിയുടെ പ്രസിഡന്റ് സ്ഥാനാര്ത്ഥി ജോ ബൈഡന് തന്റെ രണ്ടാം പ്രചാരണം ഇന്നലെ ഫ്ലോറിഡയില് നടത്തിയിരുന്നു. ട്രംപിന് കാര്യമായ സ്വാധീനമുളള മിയാമിയിലും ബൈഡന് ഈ ആഴ്ച പ്രചാരണത്തിനെത്തും. എന്നാല് 1996ന്് ശേഷം ഇതുവരെ ഡെമോക്രാറ്റുകളെ പിന്തുണയ്ക്കാത്ത അരിസോണയില് ശക്തമായ പ്രചാരണത്തിനാണ് ജോ ബൈഡന് ഇറങ്ങുന്നത്. ബൈഡന്റെ മുന് എതിരാളി ബേര്ണീ സാന്ഡേഴ്സിന്റെ തട്ടകമാണ് അരിസോണ. അതേസമയം അടുത്ത പ്രസിഡന്റ് ജോ ബൈഡനാണെന്നതില് ഒട്ടും സംശയമില്ലെന്ന തരംഗമാണ് ന്യൂ ഹാംഷെയറും മിച്ചിഗണും പ്രചാരണ രംഗത്ത് നല്കിയിരിക്കുന്ന സൂചനയെന്നും ഡെമോക്രാറ്റുകള് പറഞ്ഞു.
Comments