മലയാളികളുടെ ഇഷ്ടതാരമാണ് കുഞ്ചാക്കോബോബന്. അനിയത്തിപ്രാവ് എന്ന സിനിമയിലൂടെയാണ് കുഞ്ചാക്കോബോബന് അഭിനയ രംഗത്തേയ്ക്ക് കടന്നു വന്നത്. മലയാളത്തിലെ മികവുറ്റ അഭിനയ പ്രതിഭയാണ് തിലകന്. ആദ്യ സിനിമ മുതല് തുടര്ന്ന് അഭിനയിച്ച നാലു സിനിമകളിലും തിലകന് എന്ന മുതിര്ന്ന നടനോടൊപ്പം അഭിനയിക്കാന് ഭാഗ്യം ലഭിച്ച നടനാണ് കുഞ്ചാക്കോ ബോബന്. അവയെല്ലാം തന്നെ ഏറെ പ്രേക്ഷക ശ്രദ്ധ നേടിയ സിനിമകളായിരുന്നു. കരിയറിലെ ആദ്യ സിനിമകളെല്ലാം തന്നെ മുതിര്ന്ന ഒരു പ്രതിഭയോടൊപ്പം അഭിനയിക്കാന് സാധിച്ച നടന്മാര് കുറവാണ്.
കുഞ്ചാക്കോ ബോബന്റെ ആദ്യ ചിത്രമായിരുന്നു അനിയത്തിപ്രാവ്. കൗമാര പ്രണയത്തിന്റേയും കുടുംബത്തോടുള്ള സ്നേഹത്തിന്റേയും പ്രാധാന്യം എടുത്തു കാട്ടുന്ന ഒന്നായിരുന്നു 1998 ല് ഫാസിലിന്റെ സംവിധാനത്തില് പുറത്തിറങ്ങിയ ഈ ചിത്രം. മിനിയും സുധിയുമായി ചിത്രത്തിലെത്തിയത് കുഞ്ചാക്കോബോബനും ശാലിനിയുമായിരുന്നു. ഇതില് സുധി എന്ന കഥാപാത്രത്തിന്റെ അച്ഛനായാണ് തിലകന് അഭിനയിച്ചത്. അച്ഛനും മകനും ഇടയിലെ സ്നേഹവും സൗഹൃദവും കലര്ന്ന ബന്ധമാണ് ഈ സിനിമയിലൂടെ കാണാന് സാധിച്ചത്
1998 ല് എം ശങ്കര് സംവിധാനം ചെയ്ത ചിത്രമാണ് നക്ഷത്രത്താരാട്ട്. ആദ്യ ചിത്രത്തോടെ തന്നെ പ്രേക്ഷകര് സ്വീകരിച്ച ശാലിനി കുഞ്ചാക്കോ ബോബന് താര ജോഡി തന്നെയാണ് ഈ ചിത്രത്തിലും ഉള്ളത്. ഇതിലും അച്ഛന്റെ പ്രാധാന്യമുളള കഥാപാത്രം തന്നെയാണ് തിലകന് അവതരിപ്പിച്ചിരിക്കുന്നത് .
പുനര്ജന്മത്തിന്റേയും കാവുകളുടെയും കഥ പറഞ്ഞ ചിത്രമായിരുന്നു മയില്പ്പീലിക്കാവ്. 1998 ല് പുറത്തിറങ്ങിയ ഈ ചിത്രം ബാബു നാരായണന്, അനില് കുമാര് എന്നിവര് ചേര്ന്നാണ് സംവിധാനം ചെയ്തത്. മനു എന്ന കഥാപാത്രത്തെയാണ് കുഞ്ചാക്കോ ബോബന് അവതരിപ്പിച്ചത്, വല്യത്താന് എന്ന കഥാപാത്രത്തെയാണ് തിലകന് അവതരിപ്പിച്ചിരിക്കുന്നത്. തറവാട്ടിലെ കാരണവരായ വലിയത്താന്റേയും പുനര്ജന്മത്തിന്റേയും കഥ പറഞ്ഞ ചിത്രം ഏറെ പ്രേക്ഷക ശ്രദ്ധ നേടിയിരുന്നു.
1999 ല് പുറത്തിറങ്ങിയ ചിത്രമാണ് പ്രേംപൂജാരി. ഹരിഹരനാണ് ഈ ചിത്രം സംവിധാനം ചെയ്ത്. ഗായകനാകാന് ആഗ്രഹിച്ച യുവാവിന്റെ ജീവിത കഥ പറഞ്ഞ ഈ ചിത്രത്തില് ഒരു സംഗീത സംവിധായകന്റെ വേഷത്തിലാണ് തിലകന് ചിത്രത്തിലെത്തുന്നത്.
അനില്കുമാറിന്റെ സംവിധാനത്തില് 2000 ല് പുറത്തിറങ്ങിയ ചിത്രമാണ് ഇങ്ങനെ ഒരു നിലപക്ഷി. ഇതിലും നായക കഥാപാത്രമായ കുഞ്ചാക്കോ ബോബന്റെ കഥാപാത്രത്തോട് വളരെ അടുത്തു നില്ക്കുന്ന ഒരു കഥാപാത്രത്തെയാണ് തിലകന് അവതരിപ്പിച്ചിരിക്കുന്നത്.
Comments