പാരീസ്: ഫ്രഞ്ച് ലീഗില് പി.എസ്.ജിയ്ക്ക് സീസണിലെ അഞ്ചാം ജയം. നൈംസിനെ എതിരില്ലാത്ത നാലു ഗോളുകള്ക്കാണ് നെയ്മറുടെ ടീം തകര്ത്തുവിട്ടത്. മറ്റൊരു മത്സരത്തില് റെന്നസ്-ഡിജോണ് മത്സരം ഓരോ ഗോള് വീതം അടിച്ച് സമനിലയില് പിരിഞ്ഞു. രണ്ടാഴ്ചത്തെ ഇടവേളയ്ക്കു ശേഷം ശക്തമായ പോരാട്ടമാണ് പി.എസ്.ജി കളത്തില് കാഴ്ചവെച്ചത്. കിലിയന് എംബാപ്പേയുടെ ഇരട്ട ഗോളുകളാണ് ജയം ആധികാരികമാക്കിയത്.
കളിയുടെ 32-ാം മിനിറ്റിലാണ് നിലവിലെ ലീഗ് ചാമ്പ്യന്മാര് ആദ്യ ഗോള് നേടിയത്. എംബാപ്പേയുടെ വകയായിരുന്നു തുടക്കം. പിന്നീട് പ്രതിരോധം ശക്തമാക്കിയ നൈംസിനെതിരെ ആദ്യ പകുതിയില് ഗോളടിക്കാന് പി.എസ്.ജിയ്ക്ക് സാധിച്ചില്ല. രണ്ടാം പകുതിയില് ആക്രമണം ശക്തമാക്കിയ നീലപ്പട 77-ാം മിനിറ്റില് ഫ്ലോറെന്സിയിലൂടെ ലീഡ് 2-0 ആക്കി ഉയര്ത്തി. 83-ാം മിനിറ്റില് എംബാപ്പേ തന്റെ രണ്ടാം ഗോളിലൂടെ ടീമിന് 3-0ന്റെ മുന്തൂക്കം നല്കി. 88-ാം മിനിറ്റില് പാബ്ലോ സറാബിയ 88-ാം മിനിറ്റില് ടീമിനായി നാലാം ഗോളും എതിരാളിയുടെ വലയിലെത്തിച്ചു.
Comments