പേരയ്‌ക്ക കഴിയ്‌ക്കാന്‍ ഇഷ്ടപ്പെടാത്തവര്‍ കുറവാണ്. നിരവധി ഗുണങ്ങളുള്ള പേരയ്‌ക്ക രുചിയുടെ കാര്യത്തിലും ഒട്ടും പുറകിലല്ല. നാരുകളാല്‍ സമ്പന്നമായ ഈ ഫലത്തില്‍ വിറ്റാമിന്‍ സി, പൊട്ടാസ്യം, ലൈക്കോപീന്‍, ആന്റി ഓക്‌സിഡന്റുകള്‍ എന്നിവയെല്ലാം അടങ്ങിയിട്ടുണ്ട്. എന്നാല്‍ ആരോഗ്യ കാര്യത്തില്‍ പേരയ്‌ക്കയെക്കാള്‍ കേമനാണ് പേരയുടെ ഇലകള്‍. ശരീരഭാരം കുറയ്‌ക്കുന്നതു മുതല്‍ ചിന്താശേഷി വര്‍ദ്ധിപ്പിക്കുന്നതിനു വരെയുള്ള ഗുണങ്ങളുണ്ട്. അതുകൊണ്ട് തന്നെ പേരയില ചേര്‍ത്ത് തയ്യാറാക്കുന്ന
ചായ ശീലമാക്കുന്നത് ആരോഗ്യത്തിന് വളരെ ഉപകാര പ്രദമാണ്. പോഷക സമ്പന്നമായ ഒരു ഔഷധ ചായയാണ് പേരയില ചേര്‍ത്ത ചായ.
പേരയില ചായയുണ്ടാക്കാന്‍ വളരെ എളുപ്പമാണ്. പേരയുടെ തളിരില എടുത്ത് ഒരു കപ്പു ചൂടു വെള്ളത്തിലിട്ട് പത്തു മിനിറ്റു വയ്‌ക്കുക. പേരയില ഊറ്റിയെടുത്ത ശേഷം ഇത് ഉപയോഗിച്ച് സാധാരണ രീതിയില്‍ ചായയുണ്ടാക്കുക. ഇതു ദിവസവും വെറും വയറ്റില്‍ കുടിയ്‌ക്കുന്നത് നല്ലതാണ്. പ്രമേഹമടക്കമുള്ള നിരവധി രോഗങ്ങള്‍ക്കുളള നല്ലൊരു മരുന്നാണ് പേരയില ചായ. രക്തത്തിലെ ഗ്ലൂക്കോസ് അളവു നിയന്ത്രിച്ചു നിര്‍ത്തുവാന്‍ ഇത് ഏറെ നല്ലതാണ്. രക്തത്തിലെ ചീത്ത കൊളസ്ട്രോളായ എല്‍ഡിഎല്‍ നിയന്ത്രിയ്‌ക്കുന്ന ഒന്നാണ് പേരയില ചായ.
ഇതിലൂടെ കൊഴുപ്പു കാരണം ഉണ്ടാകുന്ന ഹൃദയ പ്രശ്നങ്ങളില്‍ നിന്നും ഹൃദയത്തെ സംരക്ഷിയ്‌ക്കാം. ബിപി കുറയ്‌ക്കാനും പേരയില ചായ ഏറെ നല്ലതാണ്. പൂജ്യം കലോറിയായതിനാല്‍ ഇതു തടി കുറയ്‌ക്കാന്‍ സഹായിക്കുന്നു. ടോക്സിനുകള്‍ പുറന്തള്ളുന്നതിനാല്‍ ക്യാന്‍സര്‍ പോലുള്ള രോഗങ്ങള്‍ക്കും ഇതു നല്ലൊരു പരിഹാരമാണ് ഈ ചായ. മുഖക്കുരു പോലുള്ള പ്രശ്നങ്ങള്‍ അകറ്റാനും ചര്‍മത്തിന്റെ നിറം കൂട്ടാനും പേരയില നല്ലതാണ്. വയറിന്റെ ആരോഗ്യത്തിനും വയറ്റിലെ ദോഷകരമായ ബാക്ടീരിയകളെ ഇല്ലാതാക്കാനും പേരയില ഉത്തമമാണ്.
