നാല്പത് – അൻപത് വയസ്സ് പ്രായമുള്ള സ്ത്രീകളിൽ ആണ് പൊതുവായി ആർത്തവ വിരാമത്തിന്റെ ലക്ഷണങ്ങൾ ഉണ്ടാവുന്നത് . ഈ ലക്ഷണങ്ങൾ കുറച്ചു വർഷങ്ങൾ തുടർച്ചയായി കാണപെടുന്നതായിരിക്കും .ആർത്തവവിരാമത്തിന്റെ പൊതുവായിട്ടുള്ള ലക്ഷണങ്ങൾ ശരീരത്തിന് ചൂടനുഭവപ്പെടുക , രാത്രിയിൽ വിയർക്കുക , മാനസികമായി പിരിമുറുക്കങ്ങൾ അനുഭവപ്പെടുക , ക്ഷീണം തോന്നുക എന്നിവയാണ് . കൂടാതെ ആർത്തവ വിരാമം അടുക്കുന്ന സ്ത്രീകളിൽ സന്ധിവാതം , ശരീര ഭാരം വർധിക്കുക , പ്രമേഹം , ഹൃദയ സംബന്ധമായ അസുഖങ്ങൾ എന്നിവയും ഉണ്ടാവാനുള്ള സാദ്ധ്യതകൾ കൂടുതലാണ് .
ഇത്തരത്തിൽ ആർത്തവവിരാമം ഉണ്ടാക്കുന്ന പ്രശ്നങ്ങൾ പരിഹരിക്കാൻ സ്വാഭാവികമായ ചില വഴികൾ ഇവയൊക്കെയാണ്
ആർത്തവ വിരാമം അടുക്കുമ്പോൾ ഉണ്ടാകുന്ന ഹോർമോണുകളുടെ വ്യതിയാനം എല്ലുകളെ ബാധിക്കാനും അതുമൂലം സന്ധിവാതം ഉണ്ടാവാൻ ഉള്ള സാധ്യതയും ഉണ്ടാകുന്നു . അതിനാൽ ആഹാരക്രമത്തിൽ കാൽസ്യവും വിറ്റാമിൻ ഡി യും ധാരാളമായി അടങ്ങിയ ഭക്ഷ്യ വസ്തുക്കൾ ഉൾപ്പെടുത്തുന്നത് നന്നായിരിക്കും .
ആർത്തവ വിരാമം അടുക്കുമ്പോൾ ശരീര ഭാരം വർധിക്കുക എന്നത് വളരെ സ്വാഭാവികമായ കാര്യമാണ് . അതിനാൽ ആരോഗ്യകരമായ ഭാരം കൈവരിക്കുന്നതും നിലനിർത്തുന്നതും ആർത്തവവിരാമത്തിന്റെ ലക്ഷണങ്ങളെ ലഘൂകരിക്കാനും രോഗം തടയാനും സഹായിക്കും.
പഴങ്ങളും പച്ചക്കറികളും അടങ്ങിയ ഭക്ഷണക്രമം എല്ലുകളെ ആരോഗ്യകരമായി നിലനിർത്താൻ സഹായിക്കുകയും , മാത്രമല്ല ശരീരഭാരം, ചില രോഗങ്ങൾ എന്നിവ തടയാനും സഹായകമാകും . ചില ഭക്ഷണ പാനീയങ്ങൾ അതായത് കാപ്പി , മദ്യം , പഞ്ചസാര എന്നിവ ആർത്തവ വിരാമത്തിന്റെ ലക്ഷണങ്ങൾ കൂടുതലായി ഉണ്ടാവാൻ കാരണമാകും . അതിനാൽ കഴിവതും അവ ഭക്ഷണക്രമത്തിൽ നിന്ന് ഒഴിവാക്കുന്നതാണ് ഉത്തമം .
നല്ല ഉറക്കം ലഭിക്കാതിരിക്കുക , ഉത്കണ്ഠ, ക്ഷീണം തുടങ്ങിയ ആർത്തവ വിരാമത്തിന്റെ ലക്ഷണങ്ങളെ ലഘൂകരിക്കാൻ പതിവായി വ്യായാമം ചെയ്യുന്നത് സഹായിക്കും . ശരീരഭാരം, വിവിധ രോഗങ്ങൾ, എന്നിവയിൽ നിന്നും നിത്യമായി ചെയ്യുന്ന വ്യായാമത്തിലൂടെ പരിഹരിക്കാൻ കണ്ടെത്താൻ സാധിക്കുന്നതായിരിക്കും .
