ന്യൂഡല്ഹി : ജമ്മു കശ്മീര് ക്രിക്കറ്റ് അസോസിയേഷന് സാമ്പത്തിക തട്ടിപ്പ് കേസില് മുന് മുഖ്യമന്ത്രി ഫറൂഖ് അബ്ദുള്ളയെ എന്ഫോഴ്സ്മെൻറ് ഡയറക്ടറേറ്റ് ചോദ്യംചെയ്തു .
ക്രിക്കറ്റ് അസോസിയേഷന്റെ ഫണ്ട് വിനിയോഗവുമായി ബന്ധപ്പെട്ട് കള്ളപ്പണം വെളുപ്പിക്കല് കേസിലാണ് ഫറൂഖ് അബ്ദുള്ളയെ ചോദ്യംചെയ്യുന്നത്.ശ്രീനഗർ ഓഫീസിലാണ് ചോദ്യം ചെയ്യൽ.
അടിസ്ഥാനസൗകര്യങ്ങള് വികസിപ്പിക്കുന്നതിന് ജമ്മു കശ്മീർ ക്രിക്കറ്റ് അസോസിയേഷന് 2002 മുതൽ 2011 വരെ ബി.സി.സി.ഐ 113 കോടി രൂപ ഗ്രാൻറായി നൽകിയിരുന്നു. ഇതിൽ 43.69 കോടി രൂപ ദുരുപയോഗം ചെയ്തുവെന്ന കേസിലാണ് അന്വേഷണം നടക്കുന്നത്.
2015 ൽ ജമ്മു കശ്മീർ ഹൈകോടതി സി.ബി.ഐക്ക് കേസ് കൈമാറുകയും 2018 ല് ഫറൂഖ് അബ്ദുള്ളയ്ക്കും മറ്റു മൂന്ന് പേർക്കുമെതിരെ സി.ബി.ഐ. കുറ്റപത്രം സമര്പ്പിക്കുകയും ചെയ്തിരുന്നു. ഇതിന്റെഭാഗമായുള്ള കള്ളപ്പണം വെളുപ്പിക്കല് കേസാണ് എന്ഫോഴ്സ്മെന്റ് ഡയറക്ടറേറ്റ് അന്വേഷിക്കുന്നത്.
ജമ്മു കശ്മീർ ക്രിക്കറ്റ് അസോസിയേഷൻ ചെയർമാൻ കൂടിയായിരുന്ന ഫറൂഖ് അബ്ദുള്ള 43 കോടി രൂപ ദുരുപയോഗം ചെയ്തുവെന്ന ബാങ്ക് രേഖകളെ അടിസ്ഥാനമാക്കിയാണ് ചോദ്യം ചെയ്യൽ .
Comments