ന്യൂഡൽഹി: ഇന്ത്യ വികസിപ്പിക്കുന്ന കൊറോണ പ്രതിരോധ വാക്സിനായ കൊവാക്സിന്റെ മൂന്നാംഘട്ടം പരീക്ഷണത്തിന് അനുമതി ലഭിച്ചു. ഡ്രഗ്‌സ് കണ്‍ട്രോള്‍ ജനറല്‍ ഓഫ് ഇന്ത്യയാണ് അനുമതി നൽകിയത്. ഐസിഎംആറുമായി സഹകരിച്ചാണ് കൊറോണ പ്രതിരോധ വാക്സിനായ കൊവാക്സിൻ വികസിപ്പിക്കുന്നത്.
മൂന്ന് ഘട്ടങ്ങളിലായി 18 വയസിന് മുകളിൽ പ്രായമുള്ള 28,500 ആളുകളിലാണ് വാക്സിൻ പരീക്ഷണം നടത്തുക. ഇന്ത്യയിലെ പത്ത് സംസ്ഥാനങ്ങളിലായി 19 നഗരങ്ങളിൽ പരിശോധനകൾ നടത്തിയതിന്റെ പഠന റിപ്പോർട്ടും ഭാരത് ബയോടെകിന് അപേക്ഷ നൽകിയിരിക്കുന്നത്. ഹൈദരാബാദ് ആസ്ഥാനമായ സ്ഥാപനമാണ് ഭാരത് ബയോടെക്. ദേശിയ ഇന്‍സ്റ്റിറ്റ്യൂട്ട് ഓഫ് വൈറോളജിയും ഭാരത് ബയോടെക്കുമായണ് വാക്സിൻ നിർമ്മാണത്തിൽ സഹകരിക്കുന്നത്.
