ത്യശ്ശൂർ:ലോക്ഡൗണിന് ശേഷം അതിരപ്പിള്ളി സിൽവർ സ്റ്റോം വാട്ടർ തീം പാർക്ക് തുറന്നു. കൊറോണ മാനണ്ഡങ്ങൾ പൂർണമായും പാലിച്ചാണ് പാർക്ക് തുറന്നത്. അടച്ചുപൂട്ടലിനെ തുടർന്ന് ജനങ്ങൾ അനുഭവിക്കുന്ന മാനസിക സംഘർഷങ്ങൾ ലഘൂകരിക്കുന്നതിനും വിനോദസഞ്ചാര മേഖല സജീവമാകുന്നതിനുമാണ് പാർക്ക് തുറക്കാൻ തീരുമാനിച്ചെന്ന് സിൽവർ സ്റ്റോം മാനേജിങ് ഡയറക്ടർ എ ഐ ഷാലിമാർ അറിയിച്ചു.
പത്തുവയസ്സിൽ താഴെയുള്ള കുട്ടികൾക്കും, 60 വയസ്സിനു മുകളിൽ പ്രായമുള്ളവർക്കും ഗർഭിണികൾക്കും പ്രവേശനം ഉണ്ടായിരിക്കുകയില്ല. ഭക്ഷണശാലകളും മറ്റു പ്രവർത്തന സജ്ജമാക്കിയിട്ടുണ്ട്. മുതിർന്നവർക്ക് 673 രൂപയും കുട്ടികൾക്ക് 555 രൂപയുമാണ് പ്രവേശന നിരക്ക് ഏർപ്പെടുത്തിയിരിക്കുന്നത്. സന്ദർശകർ കൊറോണ മാനദണ്ഡങ്ങൾ കർശനമായും പാലിച്ചിരിക്കണം. എതെങ്കിലും വിധത്തിൽ മാർഗനിർദേശങ്ങൾ പാലിച്ചില്ലെങ്കിൽ കർശന നടപടികൾ സ്വീകരികരിക്കുമെന്ന് മാനേജിങ് ഡയറക്ടർ എ ഐ ഷാലിമാർ വ്യക്തമാക്കി.
Comments