ഡച്ച് ലീഗായ എര്ഡീവിസേയില് ലീഗ് വമ്പന്മാരായ അജാക്സിന് കൂറ്റന് ജയം. വെന്ലോയിലെ എതിരില്ലാത്ത പതിമൂന്ന് ഗോളുകള്ക്കാണ് തകര്ത്തത്. ലീഗ് ചരിത്രത്തില് ഒരു ടീം നേടുന്ന ഏറ്റവും വലിയ ഗോള് വ്യത്യാസത്തിലാണ് അജാക്സ് വെന്നിക്കൊടിപാറിച്ചത്. അജാക്സിനായി ട്രാവോരെയാണ് താരമായി മാറിയത്. സ്വയം അഞ്ച് ഗോളുകള് അടിച്ച താരം മൂന്ന് ഗോളുകള്ക്ക് കളമൊരുക്കുകയും ചെയ്തു.
എക്കെലന്കാമ്പാണ് ഗോള്മഴയ്ക്ക് തുടക്കിട്ടത്. 12-ാം മിനിറ്റിലായിരുന്നു ആദ്യ ഗോള്. 57-ാം മിനിറ്റിലും കാമ്പ് ഗോള് നേടി. 17-ാം മിനിറ്റിലാണ് ട്രാവോരേ ഗോളടിക്ക് തുടക്കമിട്ടത്. 32, 54,65,87 എന്നീ മിനിറ്റുകളിലും താരം ഗോളടിച്ച് മുന്നേറി. ഇതിനിടെ 44-ാം മിനിറ്റില് താടിക്കും 55-ാം മിനിറ്റില് ഡോസ് സാന്റസും ബ്ലിന്ഡ് 59-ാം മിനിറ്റിലും ഗോളുകള് നേടി. ഇരട്ട ഗോളുകളുമായി 74,76 മിനിറ്റുകളില് ഹണ്ടിലാറും 78-ാം മിനിറ്റില് മാര്ട്ടിനസുമാണ് അജാക്സിനായി 13 ഗോളുകളുടെ ഭാഗമായത്. ആദ്യ പകുതിയില് 4 ഗോളുകള് മാത്രമാണ് വീണതെങ്കില് രണ്ടാം പകുതിയില് 9 ഗോളുകള്കൊണ്ടാണ് വെന്ലോയുടെ വല അജാക്സ് താരങ്ങള് നിറച്ചത്.
Comments