മിലാന്: ഇറ്റാലിയന് ലീഗില് യുവന്റസിന് തുടര്ച്ചയായി വീണ്ടും സമനില കുരുക്ക്.രണ്ടാം മത്സരത്തില് നാപ്പോളിക്ക് 2-1 ജയം. മറ്റ് മത്സരങ്ങളില് കാഗ്ലിയാരിയും ഫിയോറന്റീനയും മുന്നേറി. പാര്മയ്ക്കും സമനിലകൊണ്ട് തൃപ്തിപ്പെടേണ്ടിവന്നു. യുവന്റസ് രണ്ടാം പകുതിയിലെ ഗോളിലൂടെ വെറോണക്കെതിരെ തോല്ക്കാതെ രക്ഷപെടുകയായിരുന്നു. ശക്തമായി തുടക്കത്തിലേ തന്നെ ആക്രമിച്ച് കളിച്ച വെറോണ രണ്ടാം പകുതിയുടെ 60-ാം മിനിറ്റിലാണ് ലീഡ് നേടിയത്. ആന്ദ്രേ ഫാവില്ലിയാണ് വെറോണയ്ക്കായി യുവന്റ്സ് പ്രതിരോധം തകര്ത്തത്. 77-ാം മിനിറ്റില് ഡീജാന് കുലുസേവ്സ്കിയാണ് യുവന്റസിന് നിര്ണ്ണായ ഗോളിലൂടെ സമനില നേടിക്കൊടുത്തത്. ലീഗില് അഞ്ചു മത്സരങ്ങളില് മൂന്ന് സമനിലകള് വഴങ്ങിയതോടെ നിലവിലെ ചാമ്പ്യന്മാര് അഞ്ചാം സ്ഥാനത്താണ്.
രണ്ടാം മത്സരത്തില് നാപ്പോളി 2-1നാണ് ബെനവെന്റോയെ തോല്പ്പിച്ചത്. ആദ്യ പകുതിയില് 30-ാം മിനിറ്റില് നാപ്പോളി വലതുളച്ചുകൊണ്ട് ബെനെന്റോ ഞെട്ടിച്ചു. റോബര്ട്ടോ ഇന്സൈനാണ് ഗോള് നേടിയത്. കളിയുടെ രണ്ടാം പകുതിയില് ശക്തമായി തിരിച്ചുവന്ന നാപ്പോളിക്കായി 60-ാം മിനിറ്റില് ലോറെന്സോ ഇന്സൈനാണ് സമനില നേടിയത്. തുടര്ന്ന് 67-ാം മിനിറ്റില് ആേ്രന്ദ പെറ്റ്ഗ്നയുടെ വകയായിരുന്നു വിജയഗോള്. ലീഗില് നാപ്പോളി അഞ്ചില് നാലു ജയങ്ങളോടെ രണ്ടാം സ്ഥാനത്താണ്.
മറ്റ് മത്സരങ്ങളില് കാഗ്ലിയാരി 4-2ന് ക്രോട്ടോണയേയും ഫിയോറന്റീന 3-2ന് ഉദിനീസയേയും തോല്പ്പിച്ചു. പാര്മ- സ്പേസിയ പോരാട്ടം 2-2ന് സമനിലയില് അവസാനിച്ചു. നാളെ എ.സി മിലാനും എ.സി.റോമയും ലീഗ് തട്ടകത്തില് പോരാട്ടത്തിനിറങ്ങും.
Comments