എക്കിൾ മാറാൻ എളുപ്പവഴികൾ

പലപ്പോഴും നമ്മെ അലട്ടുന്ന ഒരു പ്രശ്നമാണ് എക്കിൾ. എക്കിൾ മാറുന്നതിനായി വെള്ളം കുടിക്കുക എന്നത് ആണ് പലരും തുടർന്ന് പോരുന്ന രീതി.

എങ്ങനെയാണ് എക്കിൾ ഉണ്ടാകുന്നത് ? വാരിയെല്ലുകൾക്കിടയിൽ സ്ഥിതിചെയ്യുന്ന ഡയഫ്രം, ഇന്റർകോസ്റ്റൽ പേശികൾ എന്നിവയുടെ സങ്കോചഫലമായി ഇവ ശ്വാസനാള ദ്വാരവുമായി കൂട്ടിയിടിക്കുകയും എക്കിൾ ഉണ്ടാവുകയും ചെയ്യുന്നു.

എക്കിൾ ഇല്ലാതാക്കാൻ പലവിധ മാർഗങ്ങൾ ഉണ്ടെങ്കിലും അതിലെ ശരിയായ മാർഗങ്ങൾ ഏതൊക്കെ ആണെന്ന് നോക്കാം.

ദീർഘ ശ്വാസം എടുത്തതിന് ശേഷം 10 സെക്കന്റ് നേരം പിടിച്ചുവെക്കുക. ശേഷം ശ്വാസം പുറത്തേക്ക് വിടുക. വീണ്ടും ശ്വാസം ഉള്ളിലേക്ക് എടുത്ത് 5 സെക്കന്റ് നേരം പിടിച്ചുവെക്കുക. ശേഷം ശ്വാസം പുറത്തേക്ക് വിടുക. ഇത് ഒരിക്കൽ കൂടി ആവർത്തിക്കുക.

എഴുന്നേറ്റ് നിന്ന് കുനിഞ്ഞ് താഴെ വെച്ചിരിക്കുന്ന വെള്ളം സ്ട്രോ ഉപയോഗിച്ച് കുടിക്കുക എന്നതാണ് എക്കിൾ മാറാനുള്ള ഏറ്റവും ഫലപ്രദമായ മാർഗം. എക്കിൾ മാറാൻ വളരെ അധികം ബുദ്ധിമുട്ട് നേരിടുന്നവർ തീർച്ചയായും ഈ രീതി ചെയ്ത് നോക്കേണ്ടതാണ്.

എത്ര ശ്രമിച്ചിട്ടും എക്കിൾ മാറുന്നില്ലെങ്കിൽ ഒരു ടീസ്പൂൺ തേനും ഒരു ടീസ്പൂൺ ആവണക്കെണ്ണയും ചേർത്ത് വിരൽ മുക്കി നാക്കിൽ വെക്കുക. മൂന്നോ നാലോ തവണ ഇങ്ങനെ ചെയ്യുക.

എക്കിൾ മാറുവാൻ പച്ച ഒലിവ് കഴിക്കുന്നതും നല്ലതാണ്. കയ്പ്പും പുളിരസവും ഉള്ള പച്ച ഒലിവ് കഴിക്കാൻ ലേശം ബുദ്ധിമുട്ട് ആണെങ്കിലും എക്കിൾ മാറാൻ വളരെ ഫലപ്രദമായ ഒന്നാണ് ഇതും.

മറ്റൊരു രീതി ഇങ്ങനെയാണ്, എക്കിൾ ഉണ്ടാകുമ്പോൾ നെഞ്ച് ഭാഗത്തേക്ക് കാൽമുട്ടുകൾ ചേർത്ത് വെക്കുക. ഇത് വഴി ഡയഫ്രം സാധാരണ നിലയിലേക്ക് തിരിച്ച് വരികയും എക്കിൾ ഇല്ലാതാവുകയും ചെയ്യുന്നു.