വീട്ടിനു മുകളില് വാട്ടര് ടാങ്ക് വെയ്ക്കുന്നത് സാധാരണമാണ്. എന്നാല് അതൊരു കാറിന്റെ രൂപത്തില് ആണെങ്കിലോ… ആദ്യമായി സ്വന്തമാക്കിയ ചില സാധനങ്ങളോട് വല്ലാത്തൊരു ആത്മബന്ധം തോന്നാറുണ്ട് ചില ആളുകള്ക്ക്. അധിക ആളുകളും അവയെല്ലാം സൂക്ഷിച്ചു വയ്ക്കാറുമുണ്ട്. എന്നാല് ആദ്യമായി സ്വന്തമാക്കിയ വാഹനത്തെ മറക്കാതിരിക്കാന് അതേ കാറിന്റെ രൂപത്തില് തന്നെ തന്റെ വീടിനു മുകളില് ഒരു വാട്ടര് ടാങ്ക് നിര്മ്മിച്ചിരിക്കുകയാണ് ബിഹാര് സ്വദേശിയായ ഇന്തസാര് ആലം. ആദ്യമായി സ്വന്തമാക്കിയ വാഹനത്തോടുളള ഇഷ്ടമാണ് ഇന്തസാറിനെ ഇതിനു പ്രേരിപ്പിച്ചത്. വീടിനു മുകളില് സാധാരണ രീതിയിലുള്ള വാട്ടര്ടാങ്കിനു പകരമായി ആളുകള് കാണുന്ന രീതിയില് തന്റെ ആദ്യ വാഹനമായ മഹീന്ദ്ര സ്കോര്പിയോയുടെ ആകൃതിയിലാണ് വാട്ടര്ടാങ്ക് നിര്മ്മിച്ചത്.
യഥാര്ഥ വണ്ടിയിലെ നമ്പര് പ്ലേറ്റ് ഉള്പ്പടെ ഈ കാര് വാട്ടര് ടാങ്കിലുണ്ട്. ആഗ്രയിലെ യാത്രയില് ഇത്തരത്തിലൊരു ഡിസൈന് ശ്രദ്ധയില്പ്പെട്ട ഇന്തസാറിന്റെ ഭാര്യയാണ് ഈ ആശയം പറഞ്ഞത്. ആഗ്രയില് നിന്നു പണിക്കാരെ വരുത്തിയാണ് വാഹനത്തിന്റെ രൂപത്തിലുളള ഈ വാട്ടര് ടാങ്ക് നിര്മ്മിച്ചത്. ഇതിനായി 2.5 ലക്ഷം രൂപയാണ് ഇന്തസാര് ചെലവാക്കിയത്. ചില ഇഷ്ടങ്ങള് വളരെ ആഴത്തിലായിരിക്കും അതിനാല് ഇത്തരത്തിലുളള വ്യത്യസ്ത ആശയങ്ങള് എപ്പോഴും ഉണ്ടാവുകയും ചെയ്യുന്നു.
ഫോട്ടോഗ്രാഫറായ രവി ഹോങ്കലിന് ഫോട്ടോഗ്രാഫിയോടുളള അതിയായ ആഗ്രഹം കാരണം കല്ക്കട്ടയിലെ ശാസ്ത്രി നഗറിലുളള തന്റെ വീട് ക്യാമറയുടെ ആകൃതിയിലാണ് അദ്ദേഹം നിര്മ്മിച്ചിരിക്കുന്നത്. സോഷ്യല് മീഡിയയില് വൈറലായിരുന്നു അത്. അതുപ്പോലെ തന്നെ ഈ കാര് വാട്ടര് ടാങ്കും ആളുകളെ ആകര്ഷിക്കുന്ന ഒന്നാണ്. വീടിനു മുകളില് ആര്ക്കും എളുപ്പത്തില് കാണാവുന്ന തരത്തിലാണ് വാട്ടര് ടാങ്ക് നിര്മിച്ചിരിക്കുന്നത്. കാണുന്ന ആളുകള്ക്ക് വ്യത്യസ്തമായ ഒരു കാഴ്ച തന്നെയാണിത്.
Comments