മിലാന്: കൊറണ മൂലം രണ്ടാഴ്ചയിലേറെ പുറത്തിരുന്ന ക്രിസ്റ്റ്യാനോ റൊണാള്ഡോയുടെ ഇരട്ട ഗോളില് യുവന്റസിന് ഗംഭീര ജയം. സ്പേസിയയെ 4-1നാണ് സീരി എയില് ലീഗ്ല ചാമ്പ്യന്മാര് തകര്ത്തത്.
കളിയുടെ 14-ാം മിനിറ്റില് മൊറാത്തയുടെ വകയായിരുന്നു യുവന്റസിന്റെ ആദ്യ ഗോള്. മെക്കന്നി നല്കിയ പാസ്സാണ് മൊറാത്ത ഗോളാക്കിയത്. തുടര്ന്ന് 32-ാം മിനിറ്റില് പോഗ്ബയുടെ മികവില് സ്പേസിയ സമനില പിടിച്ചു. ബര്ത്തലോമിയോയാണ് ഗോളിന് വഴിതെളിച്ചത്.
രണ്ടാം പകിതിയിലാണ് മൂന്ന് ഗോളുകള് തിരിച്ചടിച്ച് റൊണാള്ഡോയുടെ മികവില് യുവന്റസ് ഗംഭീരജയം സ്വന്തമാക്കിയത്. 59-ാം മിനിറ്റിലാണ് റൊണാള്ഡോ ആദ്യ ഗോളിലൂടെ ടീമിന് 2-1 ലീഡ് നല്കിയത്. മൊറാത്തയാണ് ക്രിസ്റ്റ്യാനോയ്ക്ക് പന്ത് എത്തിച്ചു നല്കിയത്. 67-ാം മിനിറ്റില് റാബിയോട്ട് യുവന്റസിനായി മൂന്നാം ഗോള് നേടി. ചീസിയയാണ് റാബിയോട്ടിനായി ഗോളവസരം ഒരുക്കിയത്. 76-ാം മിനിറ്റില് ലഭിച്ച പെനാല്റ്റി മുതലാക്കി റൊണാള്ഡോ 4-1ന് ടീമിന് ആധികാരിക ജയം നല്കി. കൊറോണ ചികിത്സയുടെ യാതൊരു ക്ഷീണവും കളത്തില് റൊണാള്ഡോ കാണിച്ചില്ലെന്നതാണ് യുവന്റസ് ആരാധകരെ ആവേശത്തിലാക്കിയിരിക്കുകയാണ്.
Comments