ഏറ്റവും കൂടുതല് ആളുകള് ഒത്തു കൂടുന്ന വാര്ഷിക ആഘോഷമാണ് സോണ്പൂര് മേള. ഏഷ്യയിലെ തന്നെ ഏറ്റവും വലിയ കാര്ഷിക മേളയാണ് സോണ്പൂര് മേള. ലോകത്തിന്റെ പല ഭാഗങ്ങളില് നിന്നുള്ള ആളുകള്ക്ക് ആനയെ വാങ്ങാന് അവസരം കിട്ടുന്ന ഏക സ്ഥലം കൂടിയാണ് സോണ്പൂര് മേള. അതുകൊണ്ട് തന്നെ ആനചന്ത എന്നും ഈ മേളയ്ക്ക് പേരുണ്ട്. കേരളത്തിലെ ക്ഷേത്രങ്ങളില് തലയെടുപ്പോടെ നില്ക്കുന്ന പല ആനകളും ബീഹാറിലെ സോന്പൂര് മേളയില് നിന്നു എത്തിയവയാണ്. ആന മാത്രമല്ല പ്രാവും പൂച്ചയും പട്ടിയും തുടങ്ങി കുതിര, പശു, കഴുത വരെയുണ്ട് ഈ മൃഗവിപണന മേളയില്. നവംബര് മാസത്തിലാണ് ഈ മേള നടത്തുന്നത്.
മൂന്നാഴ്ചക്കാലം നീണ്ടു നില്ക്കുന്ന ആഘോഷമാണ് സോണ്പൂര് മേള. ബീഹാറിലെ സോണ്പൂര് എന്ന സ്ഥലത്ത് ഗംഗാ നദിയുടെ തീരത്താണ് ഈ വിപുലമായ വിപണന മേള നടക്കുന്നത്. കാര്ത്തിക നക്ഷത്രത്തില് പൗര്ണമി നാളിലാണ് ഈ ഉത്സവം കൊണ്ടാടുന്നത്. സീതാദേവിയെ ശ്രീരാമന് വിവാഹം ചെയ്ത സ്ഥലമാണ് ഇവിടം എന്നാണ് വിശ്വാസം. അതുകൊണ്ടു തന്നെ ഇതൊരു ആത്മീയ മേള കൂടിയായി കാണുന്നു. ലോകത്തിന്റെ നാനാഭാഗത്തു നിന്നുമുള്ള നിരവധി ആളുകള് ഈ മേളയില് പങ്കെടുക്കാന് വേണ്ടി എത്തുന്നു.
ഇവിടെ നിന്ന് വന്യമൃഗങ്ങളെയും മറ്റും സ്വന്തമാക്കി മടങ്ങുകയും ചെയ്യുന്നു. ഇന്ത്യയില് നിന്നു മാത്രമല്ല, ലോകത്തിന്റെ പല ഭാഗത്തു നിന്നുമുളള ആളുകള് മൃഗങ്ങളുടെ കൊണ്ട് വന്ന് മഹാമേള ഒരുക്കുന്നു. വന്യജീവി സംരക്ഷണത്തിന്റെ ഭാഗമായി സംഘടനകള് ഇടപെട്ടതോടെയാണ് ബിഹാര് സര്ക്കാര് ആനചന്തയും വില്പനയും നിരോധിച്ചത് . ഇപ്പോള് ഇങ്ങനെ ഒരു മഹാ ഉത്സവം കേട്ടു കേള്വി മാത്രമായി മാറി കഴിഞ്ഞു എന്നു തന്നെ പറയാം.
Comments