ലണ്ടന്: യുവേഫാ നേഷന്സ് ലീഗില് ഇറ്റലി സെമിയിലെത്തി. സെമികാണാതെ പുറത്തായ ഇംഗ്ലണ്ട് അവസാന മത്സരത്തില് ആശ്വാസ ജയവും നേടി. ഗ്രൂപ്പ് എയില് എതിരില്ലാത്ത രണ്ടു ഗോളുകള്ക്കാണ് മുന് ലോകചാമ്പ്യന്മാരുടെ ജയം. ബോസ്നിയയെയാണ് നീലപ്പട തോല്പ്പിച്ചത്. ഇറ്റലിക്കായി ബെലോറ്റിയും ബെറാര്ഡിയുമാണ് ഗോളുകള് നേടിയത്. കളിയുടെ 22-ാം മിനിറ്റിലാണ് ഇറ്റലിക്കായി ആേ്രന്ദ ബെലോറ്റി ആദ്യ ഗോള് നേടിയത്. 68-ാം മിനിറ്റിലാണ് ജോമെനിക്കോ ബെറാര്ഡിയാണ് രണ്ടാം ഗോള് നേടിയത്.
രണ്ടാം മത്സരത്തില് സെമിയില് കടക്കാനാവാതെ പുറത്തായ ഇംഗ്ലണ്ട് അവസാന മത്സരത്തില് വാശി തീര്ത്തത് ഐസ്ലന്റിനെതിരെ. എതിരില്ലാത്ത നാലു ഗോളുകള്ക്കാണ് ഇംഗ്ലണ്ട് ജയം നേടിയത്. ഇംഗ്ലീഷ് നിരയ്്ക്കായി ഫില് ഫോഡന്റെ ഇരട്ട ഗോളാണ് കളിയുലെ പ്രത്യേകത. 20-ാം മിനിറ്റില് ഡെക്ലാന് റൈസാണ് ആദ്യ ഗോള് നേടിയത്. 24-ാം മിനിറ്റില് മാസണ് മൗണ്ട് രണ്ടാം ഗോളും നേടി.ഫില് ഫോഡന് 80, 84 മിനിറ്റുകളിലാണ് മൂന്നും നാലും ഗോള് ടീമിന് നല്കിയത്.
Comments