സിഡ്നി: ഇന്ത്യ ഓസ്ട്രേലിയ പരമ്പര തുടങ്ങാനിരിക്കേ വിരാട് കോഹ് ലിയുടെ മടങ്ങാനുള്ള തീരുമാനത്തെ വിമര്ശിച്ച് നിരവധി പേര് രംഗത്ത്. ഏകദിനങ്ങളിലും ടി20യിലും പങ്കെടുത്ത ശേഷം നാട്ടിലേക്ക് മടങ്ങാനാണ് ഇന്ത്യന് നായകന് വിരാടിന്റെ തീരുമാനം. ഭാര്യയുടെ പ്രസവ സമയത്ത് അടുത്തുണ്ടാകണമെന്ന വ്യക്തിപരമായ ആവശ്യമാണ് വിരാട് ബി.സി.സി.ഐക്ക് മുമ്പാകെ വെച്ചത്. ടെസ്റ്റില് ഇതോടെ നായക ചുമതല രോഹിത് ശര്മ്മ ഏറ്റെടുക്കുമെന്നാണ് സൂചന. ഇതിനിടെ വിരാടിന്റെ തീരുമാനം ഓസ്ട്രേലിയ പോലുള്ള ഏറ്റവും ശക്തമായ ഒരു ടീമിനെതിരെ ആത്മഹത്യാപരമായിരിക്കുമെന്നാണ് മുന് ഇന്ത്യന് താരങ്ങളുടെ വിമര്ശനം.
വിദേശ താരങ്ങളായ മുന് ക്രിക്കറ്റ് ഇതിഹാസം ഗ്രേഗ് ചാപ്പലും മുന് ഓസീസ് ക്യാപ്റ്റന് റിക്കി പോണ്ടിംഗും വിരാട് കോഹ് ലിയുടെ തീരുമാനത്തെ വിമര്ശിച്ച് രംഗത്തെത്തി. ബാറ്റിംഗില് കോഹ്ലി നിര്ണ്ണായകമാണ്. ധോണിക്ക് ഒപ്പം വിദേശ ടീമുകള്ക്ക് പേടിയുള്ള താരം മാറിനില്ക്കുന്നത് ശരിയല്ലെന്നാണ് വിദേശ താരങ്ങള് പറയുന്നത്.
ഇന്ത്യന് ക്രിക്കറ്റ് ഇതിഹാസം കപില് ദേവ് വിരാട് കോഹ് ലിയുടെ നാട്ടിലേക്കുള്ള മടക്കത്തെ ബാലിശമെന്നാണ് വിശേഷിച്ചത്. മുന്പ് സുനില് ഗവാസ്ക്കര് പരമ്പരയിലായിരിക്കേയാണ് ഭാര്യ പ്രസവിച്ചത്. ഒരു മാസത്തിന് ശേഷമാണ് ഗവാസ്ക്കര് മകനെ കണ്ടതെന്നും കപില് ദേവ് ഉദാഹരണ സഹിതം മുന് അനുഭവങ്ങള് വിവരിച്ചു. കളിക്കുന്നത് രാജ്യത്തിന് വേണ്ടിയാണ്. പ്രമുഖ താരങ്ങളുടെ പരിക്ക് ഇന്ത്യക്ക് വിനയാണ്. ഈ സന്ദര്ഭത്തില് കോഹ്ലി ടെസ്റ്റില് കളിക്കാതിരിക്കുന്നത് ടീമിനെ ദോഷമാകുമെന്നും കപില് ചൂണ്ടിക്കാട്ടി.
Comments