പാരീസ്: ചാമ്പ്യന്സ് ലീഗില് ഇറ്റാലിയന് കരുത്തരായ യുവന്റസിനും ഫ്രഞ്ച് ലീഗ് ചാമ്പ്യന്മാരായ പി.എസ്.ജിയ്ക്കും ജയം. പ്രീക്വാര്ട്ടറിലേക്കുള്ള പോരാട്ടത്തിലാണ് ഇരുടീമുകളും അതാത് ഗ്രൂപ്പുകളില് നിന്നും മുന്നേറിയത്.
ഗ്രൂപ്പ് ജിയില് കളിച്ച യുവന്റ്സ് ഒന്നിനെതിരെ രണ്ടു ഗോളുകള്ക്ക് ഫെറന്കാറോസിനെയാണ് തോല്പ്പിച്ചത്. 19-ാം മിനിറ്റില് ഫെറന്കാറോസാണ് ലീഡ് നേടിയത്. 35-ാം മിനിറ്റില് ക്രിസ്റ്റ്യാനോയാണ് ടീമിന് സമനില ഗോള് നേടിക്കൊടുത്തത്. കളിയുടെ അവസാന നിമിഷത്തില് അല്വാരോ മൊറാത്തയാണ് സുവന്റസിനായി വിജയഗോള് നേടിയത്.
ലീപ്സിഗിനെ ഗ്രൂപ്പ് എച്ചില് തോല്പ്പിച്ചാണ് പി.എസ്.ജി മുന്നേറിയത്. എതിരില്ലാത്ത ഒരു ഗോളിനാണ് ജയം. സ്റ്റാര് സ്ട്രൈക്കര് നെയ്മറാണ് ഗോള് നേടിയത്. 11-ാം മിനിറ്റില് ലഭിച്ച പെനാല്റ്റി വലയിലെത്തിച്ചാണ് നെയ്മര് ടീമിനായി ഗോള് നേടിയത്.
