കേപ്ടൗണ്‍: ആതിഥേയരെ അടിച്ചൊതുക്കിയ ബെയര്‍‌സ്റ്റോയുടെ ബാറ്റിംഗ് മികവില്‍ ഇംഗ്ലണ്ടിന് ജയം. ദക്ഷിണാഫ്രിക്കയില്‍ പര്യടനത്തിനെത്തിയ ഇംഗ്ലണ്ട്് അഞ്ച് വിക്കറ്റിനാണ് ആദ്യ ടി20 ജയിച്ചത്. ബെയര്‍‌സ്റ്റോവ് നേടിയ 86 റണ്‍സാണ് ടീമിനെ 5 വിക്കറ്റിന് 183 നേടി വിജയത്തിലേക്ക് നയിച്ചത്. ഒപ്പം ബെന്‍സ്റ്റോക്‌സ് 27 പന്തില്‍ നേടിയ 37 റണ്‍സും വിജയത്തിന് നിര്‍ണ്ണായകമായി.
ഡൂപ്ലെസിയുടെ അര്‍ദ്ധസെഞ്ച്വറി(58) മികവിലാണ് ആദ്യം ബാറ്റ്‌ചെയ്ത ദക്ഷിണാഫ്രിക്ക 6 വിക്കറ്റിന് 179 റണ്‍സ് എടുത്തത്. ദക്ഷിണാഫ്രിക്കയ്‌ക്ക് വേണ്ടി ഡ്യൂപ്ലെസി 56 റണ്‍സും വാന്‍ ഡെര്‍ ഡ്യൂസെന്‍ 34 റണ്‍സും നേടി. ഇംഗ്ലണ്ടിനായി ബൗളിംഗില്‍ സാം ക്യൂറന്‍ 28 റണ്‍സിന് 3 വിക്കറ്റുകള്‍ വീഴ്‌ത്തി. ഇംഗ്ലണ്ടിനെതിരെ ബൗളിംഗില്‍ ദക്ഷിണാഫ്രിക്കയുടെ ലിന്‍ഡേ 20 റണ്‍സിന് 2 വിക്കറ്റുകളാണ് വീഴ്‌ത്തിയത്.
