പൊതുഗതാഗത സേവനത്തിന്റെ ഭാഗമായി മുംബൈയില് ടാറ്റാ മോട്ടോഴ്സ് ഇരുപത്തിയാറ് ഇലക്ട്രിക് ബസുകള് വിതരണം ചെയ്തു. ടാറ്റ മോട്ടോര്സ് പുറത്തിറക്കുന്ന മുന്നൂറ്റി നാല്പത് ഇലക്ട്രിക് ബസുകളുടെ ആദ്യ ബാച്ചാണ് ഇപ്പോള് മുംബൈ നിരത്തുകളില് കമ്പനി ഇറത്തിറക്കിയിരിക്കുന്നത്. മുംബൈ പോലുള്ള തിരക്കേറിയ നഗരത്തില് വാഹനങ്ങളുടെ തിരക്കും അതുപോലെ തന്നെ പരിസ്ഥിതി മലിനീകരണവും ദിനംപ്രതി കൂടി വരികയാണ്.
ഈ സാഹചര്യത്തില് ഇത്തരത്തിലുളള ഇലക്ട്രിക് വാഹനങ്ങള് നിരത്തില് ഇറക്കുന്നത് കൊണ്ട് പരിസ്ഥിതി മലിനീകരണം കുറയ്ക്കുന്നതിനു സഹായിക്കുന്നു. ഇലക്ട്രിക് ബസുകളില് എല്ലാം തന്നെ മാസ് ട്രാന്സിറ്റിനായി ക്ലീനര് ഓപ്ഷനുകള് സജ്ജമാക്കിയിട്ടുണ്ട്. എയര്കണ്ടീഷന് ചെയ്ത ബസില് ഇരുപത്തിയഞ്ച് പേര്ക്ക് ഇരിക്കാനുളള ശേഷിയാണുളളത്. എല്ലാവര്ക്കും ഒരുപോലെ യാത്ര ചെയ്യാനാകുന്ന ഈ ബസില് കയറാന് ബുദ്ധിമുട്ടുളള യാത്രക്കാര്ക്കായി ഒരു ലിഫ്റ്റിംഗ് സംവിധാനം ബസില് ഘടിപ്പിച്ചിട്ടുണ്ട്, കൂടാതെ ബാക്കിയുള്ള എല്ലാ യാത്രക്കാര്ക്കും സുഖ സൗകര്യവും ഉറപ്പ് നല്കുന്നുണ്ട്.
മുംബൈയിലെ ബാക്ക്ബേ, വോര്ലി, മാല്വാനി, ശിവാജി നഗര് എന്നീ നാല് ഡിപ്പോകളിലും സമ്പൂര്ണ്ണ ചാര്ജിംഗ് ഇന്ഫ്രാസ്ട്രക്ചര് നിര്മ്മിക്കാനും വിന്യസിക്കാനും പരിപാലിക്കാനും പ്രവര്ത്തിപ്പിക്കാനുമുള്ള ഉത്തരവാദിത്വം ടാറ്റ മോട്ടോര്സ് ഏറ്റെടുക്കും. പൊതുഗതാഗത ഓപ്ഷനുകളിലെ ഇലക്ട്രിക് മൊബിലിറ്റി ഇന്റര് സിറ്റി യാത്രകളുടെ മലിനീകരണം കുറയ്ക്കാന് സാധിക്കും എന്നു അഭിപ്രായം ഉയര്ന്നു വരുന്നതിനിടെയാണ് മലിനീകരണം കുറയ്ക്കുന്ന തരത്തില് ടാറ്റാ മോട്ടോര്സിന്റെ ഈ ഇലക്ട്രിക് ബസുകള് വികസിപ്പിച്ചെടുത്തത്.
