ഗോവ : ഇന്ന് എസ്സി ഈസ്റ്റ് ബംഗാളും കേരളാ ബ്ലാസ്റ്റേഴ്സും തമ്മിൽ നടക്കുന്ന മത്സരത്തിൽ ജയപ്രതീക്ഷയിലാണ് കേരള ബ്ലാസ്റ്റേഴ്സ് എഫ്സി. ഇതുവരെ 5 കളികളിൽ നിന്ന് 2 പോയിന്റുകൾ മാത്രമാണ് ബ്ലാസ്റ്റേഴ്സ് നേടിയിട്ടുള്ളത്. എടികെ മോഹൻ ബഗാൻ, എഫ്സി ഗോവ, ബെംഗളൂരു എഫ്സി എന്നീ ടീമുകളോട് പരാജയപ്പെട്ട ബ്ലാസ്റ്റേഴ്സ് നോർത്ത് ഈസ്റ്റ് യുണൈറ്റഡ് എഫ്സി, ചെന്നൈയിൻ എഫ്സി ടീമുകളുമായുള്ള മത്സരങ്ങളിൽ നിന്ന് നേടിയ സമനിലയിൽ നിന്നാണ് രണ്ട് പോയിന്റുകൾ നേടിയത്.
എസ്സി ഈസ്റ്റ് ബംഗാൾ ഇതുവരെ 5 കളികളിൽ നിന്നായി 1 പോയിന്റ് മാത്രമാണ് നേടിയിട്ടുള്ളത്. എടികെ മോഹൻ ബഗാൻ, മുംബൈ സിറ്റി എഫ്സി, നോർത്ത് ഈസ്റ്റ് യുണൈറ്റഡ്, ഹൈദരാബാദ് എഫ്സി എന്നീ പരാജയപ്പെട്ട ഈസ്റ്റ് ബംഗാൾ ജംഷദ്പൂർ എഫ്സിയുമായിയുള്ള മത്സരത്തിൽ നേടിയ ഗോൾരഹിത സമനിലയിൽ നിന്നാണ് ഒരു പോയിന്റ് നേടിയത്.
ഇന്ന് നടക്കുന്ന മത്സരത്തിൽ ജയിച്ചാൽ ബ്ലാസ്റ്റേഴ്സ് ഒൻപതാം സ്ഥാനത്ത് തന്നെ തുടരും. അതെ സമയം ഇന്നത്തെ ജയം അവസാന സ്ഥാനത്തു നിൽക്കുന്ന ഈസ്റ്റ് ബംഗാളിനെ രണ്ടു സ്ഥാനങ്ങൾ മെച്ചപ്പെടുത്തി ഒൻപതാം സ്ഥാനത്തേക്കുയരാൻ സഹായിക്കും. സമനില നേടിയാൽ ഈസ്റ്റ് ബംഗാളിന് ഒരു സ്ഥാനം മെച്ചപ്പെടുത്താനും കേരളാ ബ്ലാസ്റ്റേഴ്സിന് സ്ഥാനം നിലനിർത്താനും സാധിക്കും. ഇതുവരെ ജയം കാണാത്ത രണ്ടു ടീമുകളെന്ന നിലയിലും, ബ്ലാസ്റ്റേഴ്സിനെ സംബന്ധിച്ച് സ്ഥാനം നിലനിർത്താൻ അനിവാര്യമായതിനാലും ഈസ്റ്റ് ബംഗാളിനെ സംബന്ധിച്ച് അവസാന സ്ഥാനത്തു നിന്ന് കരകയറണമെന്നുള്ളതിനാലും ഈ ജയം അനിവാര്യമാണ്.
കേരള ബ്ലാസ്റ്റേഴ്സിന് അവരുടെ പ്രധാന മിഡ്ഫീൽഡറായ സെർജിയോ സിഡോഞ്ചയുടെ അസാന്നിധ്യം വലിയ നഷ്ടമാണ്. എന്നാൽ സസ്പെൻഷന് ശേഷം കോസ്റ്റ നമോയിൻസു ടീമിലേക്ക് മടങ്ങുമെന്നത് ടീമിന് ആശ്വാസം പകരുന്നു. നമോയിൻസുവിന്റെ മടങ്ങിവരവ് പ്രതിരോധ നിരയെ ശക്തിപ്പെടുത്തും. അതിനാൽ തന്നെ സപ്പോർട്ടിംഗ് സ്ട്രൈക്കർ ജോർദാൻ മറെ ഈ മത്സരത്തിൽ കളിക്കാൻ സാധ്യതയില്ല.
ക്യാപ്റ്റൻ ഡാനിയൽ ഫോക്സിന്റെ അസാന്നിധ്യം ഈസ്റ്റ് ബംഗാളിനെ പ്രതിസന്ധിയിലാഴ്ത്തുന്നു. ലോക്കൺ മെയ്റ്റിക്കും നിന്നതേ മത്സരത്തിൽ പങ്കെടുക്കാനാകില്ല. ആരോൺ-അമാദി ഹോളോവേ ഇതുവരെ മാച്ച് ഫിറ്റ്നസ് വീണ്ടെടുത്തിട്ടില്ലാത്തതിനാൽ കളിയിൽ ഏതാനും മിനിറ്റുകൾ മാത്രമേ കാണൂവാൻ സാധ്യതയുള്ളൂ.
