ഒട്ടുമിക്ക വീടുകളിലും വാങ്ങിക്കുന്ന ഒന്നാണ് ഓറഞ്ച്. ആരോഗ്യത്തിന് ഗുണകരമായ ഓറഞ്ച് കുട്ടികളും മുതിര്ന്നവരും ഒരുപോലെ ഇഷ്ടപ്പെടുന്ന ഒന്നാണ്. എന്നാല് ഓറഞ്ച് കഴിച്ചു കഴിഞ്ഞ ശേഷം അതിന്റെ തൊലി വലിച്ചെറിയുകയാണ് പതിവ്. കാരണം നമുക്കാവശ്യമായ ഒന്നും തന്നെ അതിലില്ല. എന്നാല് ഇനി ഓറഞ്ചിന്റെ തോട് വലിച്ചെറിയുന്നതിനു മുന്പേ അതിന്റെ ഈ ഒരു ഉപയോഗത്തെ കുറിച്ച് അറിയാം. ഓറഞ്ചില് നിന്നും വളരെ എളുപ്പത്തില് തന്നെ നല്ല മണമുള്ള ഫ്ളോര് ക്ലീനര് തയ്യാറാക്കാം. അതിനായി ഓറഞ്ചിന്റെ തൊലി ചെറിയ കഷണങ്ങളാക്കിയ ശേഷം മിക്സിയില് ഇട്ട് നന്നായി അടിച്ചെടുക്കുക.
എന്നാല് ഇതിലേക്ക് ഒരു അല്പം പോലും വെള്ളം ചേര്ക്കാന് പാടുള്ളതല്ല. പൊടിയായ ഓറഞ്ചിന്റെ തൊലി ഒരു പാത്രത്തിലേയ്ക്ക് മാറ്റുക. അതിലേക്ക് വിനാഗിരി ഒഴിച്ചു കൊടുക്കുക. പൊടിയായ ഓറഞ്ച് മുങ്ങിക്കിടക്കുന്ന അത്രയും വിനാഗിരി ഒഴിച്ചു കൊടുക്കണം, ഇത് അടച്ചു വയ്ക്കുക. ഒരു ദിവസത്തിനു ശേഷം മൂടി തുറന്നു നോക്കുക. ഈ മിശ്രിതം മഞ്ഞ നിറത്തിലുള്ള ഒരു ലായിനിയായി മാറിയിട്ടുണ്ടാകും. പിന്നീട് കൈകൊണ്ട് നന്നായി പിഴിഞ്ഞ ശേഷം ഒരു അരിപ്പ വെച്ച് നന്നായി അരിച്ചെടുക്കുക.
ശേഷം ആ ലായിനി ഒരു കുപ്പിയില് ഒഴിച്ചു വെയ്ക്കുക. നല്ല മണമുള്ള ഫ്ളോര് ക്ലീനര് തയ്യാര്. നമ്മള് തറ തുടയ്ക്കുന്ന സമയത്ത് അര ബക്കറ്റ് വെള്ളത്തിലേക്ക് ഈ ഓറഞ്ച് ലായിനി രണ്ടു ടീസ്പൂണ് കൂടെ ഒഴിച്ചു കൊടുക്കുക. തുടച്ച സ്ഥലത്തെല്ലാം ഓറഞ്ചിന്റെ നല്ല സുഗന്ധം ഉണ്ടായിരിക്കും. വിപണിയില് നിന്നും വില കൊടുത്ത് വാങ്ങുന്ന ഫ്ളോര് ക്ലീനറുകളില് നിന്ന് എത്രയോ മികച്ചതാണ് വീട്ടില് തന്നെ ഉണ്ടാക്കാവുന്ന ഈ ഓറഞ്ച് ഫ്ളോര് ക്ലീനര്.
