മെൽബൺ: ഓസ്ട്രേലിക്കെതിരെ രണ്ടാം ടെസ്റ്റിൽ ഇന്ത്യക്ക് മേൽക്കൈ. ടോസ് നേടി ബാറ്റിംഗിനിറങ്ങിയ ഓസീസിന്റെ മുൻനിരയെ തകർത്താണ് ഇന്ത്യ തുടക്കമിട്ടത്. അശ്വിനാണ് ഓസീസിന് തുടക്കത്തിൽ തിരിച്ചടി നൽകിയത്. ഓസീസ് 27 ഓവറിൽ 3ന് 65 എന്ന നിലയിലാണ്. 26 റൺസുമായി മാർനസ് ലബുഷാനേയും നാല് റൺസുമായി ട്രാവിസ് ഹെഡുമാണ് ക്രീസിൽ.
ഇന്ത്യൻ നിരയിൽ ഓസീസിന് ആദ്യപ്രഹരമേൽപ്പിച്ചത് ബുംറയാണ്. ജോ ബേൺസിനെ റൺസ് എടുക്കുന്നതിന് മുന്നേ ബുംറ പുറത്താക്കി. മാത്യൂ വേഡിനെ 30 റൺസിനും മദ്ധ്യനിരയിലെ കരുത്തായ സ്റ്റീവ് സ്മിത്തിനെ പൂജ്യത്തിനും പുറത്താക്കി അശ്വിൻ ഇന്ത്യക്ക് വലിയ മുൻതൂക്കമാണ് നൽകിയിട്ടുള്ളത്. രണ്ടാം ടെസ്റ്റിലും കുറഞ്ഞ സ്കോറിന് പുറത്തായ നിരാശയിലാണ് സ്റ്റീവ് സ്മിത്ത്.
