ഫ്രഞ്ച് വാഹന നിർമാതാക്കളായ സിട്രണിന്റെ പ്രീമിയം മിഡ്സൈസ് എസ്യുവി സി5 ഇന്ത്യന് വിപണിയിലേക്ക്. ഫെബ്രുവരി ഒന്നിന് അരങ്ങേറുമെന്ന് കാര് നിര്മ്മാതാക്കള് അറിയിച്ചു. കഴിഞ്ഞ വര്ഷം പകുതിയോടെ സി5 എയര്ക്രോസ് എസ്യുവിയുമായി സിട്രണ് ഇന്ത്യയില് പ്രവര്ത്തനങ്ങള് ആരംഭിക്കാന് ഒരുങ്ങിയിരുന്നു, എന്നാല് കൊറോണ പ്രതിസന്ധി മൂലം ഈ പദ്ധതികള് നിര്ത്തിവെക്കുകയായിരുന്നു.
മുന്വശത്ത് ഒരു സ്പ്ലിറ്റ് ഗ്രില്ല്, ഇരുവശത്തും ഡിആര്എല്ലുകള്, ഡ്യുവല് ബീം ഹെഡ്ലാമ്പുകള്, ഒപ്പം സ്പ്ലിറ്റ് എല്ഇഡി ടെയില് ലാമ്പുകളുള്ള അപ്പ്റൈറ്റ് ടെയില്ഗേറ്റ് എന്നിവയുള്പ്പെടെയുള്ള ഹൈലൈറ്റുകള് ഉള്ക്കൊള്ളുന്ന ക്രോസ്ഓവര് ശൈലിയിലാണ് വാഹനം ഒരുങ്ങുന്നത്. സ്പ്ലിറ്റ് എസി വെന്റുകളുടെ സാന്നിധ്യമാണ് ശ്രദ്ധേയമായ ക്യാബിന് ഹൈലൈറ്റ്. 12.3 ഇഞ്ച് ഡിജിറ്റല് ഇന്സ്ട്രുമെന്റ് ക്ലസ്റ്റര്, ആപ്പിള് കാര്പ്ലേയും ആന്ഡ്രോയിഡ് ഓട്ടോയുമുള്ള 8.0 ഇഞ്ച് ഇന്ഫോടെയ്ന്മെന്റ് സിസ്റ്റം എന്നിവയും നിര്മ്മാതാക്കള് വാഗ്ദാനം ചെയ്യുന്നു.
കൂടാതെ പനോരമിക് സണ്റൂഫ്, ഡ്യുവല് സോണ് ക്ലൈമറ്റ് കണ്ട്രോള്, വയര്ലെസ് സ്മാര്ട്ട്ഫോണ് ചാര്ജിംഗ്, മസാജ് ഫംഗ്ഷനുള്ള ഹീറ്റഡ് മുന് സീറ്റുകള് എന്നിവയും യൂറോപ്യന് മോഡലില് ഉള്പ്പെടുത്തിയിട്ടുണ്ട്. ഫെബ്രുവരി ഒന്നിന് വിപണിയില് അരങ്ങേറ്റം കുറിക്കുന്ന സിട്രണ് സി5 എയര്ക്രോസ് എസ്യുവി മാര്ച്ച് മാസത്തോടെ രാജ്യത്ത് വില്പ്പനയ്ക്കെത്തും. 30 ലക്ഷം രൂപയില് നിന്നുമായിരിക്കും വാഹനത്തിന്റെ എക്സ്-ഷോറൂം ആരംഭിക്കുന്നത്. ഒന്നിലധികം എയര്ബാഗുകള്, ഫ്രണ്ട്, റിയര് പാര്ക്കിംഗ് സെന്സറുകള് എന്നിവ സുരക്ഷാ കിറ്റില് അടങ്ങിയിരിക്കുന്നു.
ഡീസല് എഞ്ചിന് ഓപ്ഷനിലായിരിക്കും ഇന്ത്യ-സ്പെക്ക് സി5 എയര്ക്രോസ് എത്തുന്നത്. എഞ്ചിന് മാനുവല്, ഓട്ടോമാറ്റിക് ട്രാന്സ്മിഷന് ഓപ്ഷനുകളുമായി സംയോജിപ്പിച്ചിരിക്കുന്നവയായിരിക്കും. 177 ബിഎച്ച്പി കരുത്തും 400 എന്എം ഉം പുറപ്പെടുവിക്കുന്ന 2.0 ലിറ്റര് ഓപ്ഷനായിരിക്കും.
