സിഡ്നി: മദ്ധ്യനിരയെ തകർച്ചയെ തുടർന്ന 244ന് പുറത്തായ ഇന്ത്യ തിരിച്ചടിക്കുന്നു. രണ്ടാം ഇന്നിംഗ്സിൽ 129 റൺസിന്റെ ലീഡ് നേടി ഓസീസിന്റെ രണ്ട് സുപ്രധാന വിക്കറ്റുകൾ ഇന്ത്യ വീഴ്ത്തി. ഒടുവിൽ വിവരം ലഭിക്കുമ്പോൾ ആതിഥേയർ രണ്ടു വിക്കറ്റ് നഷ്ടത്തിൽ 36 റൺസ് എന്ന നിലയിലാണ്.
ആദ്യ ഇന്നിംഗ്സിൽ അർദ്ധ സെഞ്ച്വറി നേടിയ വിൽ പുകോസ്വ്കിയും തുടർച്ചയായി രണ്ടാം ഇന്നിംഗ്സിൽ പരാജയപ്പെട്ട് ഡേവിഡ് വാർണറുമാണ് പുറത്തായത്. 10 റൺസ് നേടിയ വില്ലിനെ മുഹമ്മദ് സിറാജിന്റെ പന്തിൽ സബ്സറ്റിറ്റിയൂട്ട് കീപ്പർ വൃദ്ധിമാൻ സാഹ പിടിച്ച് പുറത്താക്കിയപ്പോൾ വാർണർ 13ന് അശ്വിന്റെ പന്തിൽ വിക്കറ്റിന് മുന്നിൽ കുടുങ്ങി.
