സിഡ്‌നി: ഇന്ത്യൻ ബാറ്റ്‌സ്മാന്മാർക്ക് കളിക്കിടെ തടസ്സമുണ്ടാക്കുന്ന തരത്തിലെ ഓസീസ് മുൻനായകന് സ്റ്റീവ് സ്മിത്തിന്റെ തന്ത്രങ്ങളെ വിമർശിച്ച് ക്രിക്കറ്റ് ലോകം. ഋഷഭ് പന്ത് നല്ല രീതിയിൽ ബാറ്റ് ചെയ്തുകൊണ്ടിരിക്കേയാണ് ബൗളിംഗ് ചെയ്ഞ്ചിന്റെ സമയത്ത് സ്മിത്ത് ബാറ്റിംഗ് ക്രീസിലെ സ്റ്റംപ് ഗാർഡ് മാർക്കുകൾ ഷൂകൊണ്ടുരച്ച് മായ്ച്ച് കളഞ്ഞത്.
After drinks break Aussie comes to shadow bat and scuffs out the batsmen's guard marks.
Rishabh Pant then returns and has to take guard again.#AUSvIND #AUSvsIND #AUSvINDtest pic.twitter.com/aDkcGKgUJC
— James Buttler | Cricket Badger Podcast 🏏🦡🇺🇦 (@cricket_badger) January 11, 2021
രണ്ടു വർഷം മുമ്പ് പന്ത് സാന്റ്‌പേപ്പർകൊണ്ട് ഉരച്ചതിന്റെ പേരിൽ ഒരു വർഷം പുറത്തിരിക്കേണ്ട് വന്ന താരമാണ് സ്മിത്ത്. ബാറ്റ്‌സ്മാൻ തന്റെ നിൽപ്പ് കൃത്യമാക്കാൻ സ്റ്റംപിന് മുന്നിൽ വരയ്‌ക്കുന്ന വരകളാണ് സ്മിത്ത് മായ്ച്ച് കളഞ്ഞത്. തുടർന്ന് ബാറ്റിംഗിനെത്തിയ പന്ത് രണ്ടാമതും ഗാർഡ് എടുത്ത ശേഷമാണ് കളി തുടർന്നത്. സ്റ്റ്ംപിനകത്തെ ക്യാമറയിലാണ് സ്മിത്ത് ക്രീസിലെത്തി കാലുകൊണ്ട് ശക്തിയായി നിലത്തുരയ്‌ക്കുന്ന സംഭവം റെക്കോഡ് ചെയ്യപ്പെട്ടത്.സമൂഹമാദ്ധ്യമത്തിൽ ചിത്രം വൈറലാവുകയും ചെയ്തു. സ്മിത്ത് ഉപയോഗിക്കുന്ന 49-ാം നമ്പർ ജഴ്‌സി തപ്പിപ്പിടിച്ചാണ് ഇന്ത്യൻ ആരാധകർ സ്മിത്താണ് കുഴപ്പക്കാരനെന്ന കണ്ടെത്തിയത്.
