ബ്രിസ്ബെയ്ൻ: ഓസീസിനെതിരെ ക്ഷമയോടെ ബാറ്റ് വീശി ഇന്ത്യൻ നിര. 328 റൺസ് വിജയ ലക്ഷ്യം പിന്തുടരുന്ന ഇന്ത്യ ഒടുവിൽ വിവരം ലഭിക്കുമ്പോൾ 42 ഓവറുകളിൽ ഒരു വിക്കറ്റ് നഷ്ടത്തിൽ 100 റൺസ് എന്ന നിലയിലാണ്. രോഹിത് ശർമ്മയാണ് പുറത്തായത്. 7 റൺസ് എടുത്ത രോഹിത്തിനെ കമ്മിൻസിന്റെ പന്തിൽ ടിം പെയിൻ പുറത്താക്കി.
ശുഭ്മാൻ ഗില്ലിന്റെ അർദ്ധസെഞ്ച്വറിയാണ് ടീം ഇന്ത്യയ്ക്ക് കരുത്താകുന്നത്. 125 പന്തുകളെ നേരിട്ട് ഗിൽ 72 റൺസെടുത്തുനിൽക്കുകയാണ്. 104 പന്തുകളെ നേരിട്ട് ടെസ്റ്റ് ക്രിക്കറ്റിലെ അതിമനോഹര ബാറ്റിംഗ് നടത്തി ചേതേശ്വർ പൂജാര 15 റൺസുമായി ഗില്ലിന് പിന്തുണ നൽകുകയാണ്. രണ്ടാം വിക്കറ്റിൽ ഇരുവരും ചേർന്ന് 92 റൺസിന്റെ കൂട്ടുകെട്ടാണ് ഉണ്ടാക്കിയിട്ടുള്ളത്. ഓസീസിനായി ഇതുവരെ മിച്ചൽ സ്റ്റാർക്ക്, കമ്മിൻസ്, ഹേസൽവുഡ്, കാമറൂൺ ഗ്രീൻ, നഥാൻ ലയൺ എന്നിവരെല്ലാം പന്തെറിഞ്ഞു കഴിഞ്ഞു.
Comments