വാഷിംഗ്ടൺ: ഇന്ത്യൻ പ്രധാനമന്ത്രി നരേന്ദ്രമോദിയെ പ്രത്യേകം പരാമർശിച്ച് അമേരിക്കയുടെ പുതിയ സ്റ്റേറ്റ് സെക്രട്ടറി ആന്റണി ബ്ലിങ്കൻ. ഇന്ത്യയ്ക്കും അമേരിക്കയ്ക്കും ഒന്നിച്ച് പ്രവർത്തിക്കാൻ അതിശക്തമായ കഴിവുകളും സാദ്ധ്യതകളുമാണുള്ളത്. ‘പരമ്പര്യേതര ഊർജ്ജ രംഗത്തെ നരേന്ദ്രമോദിയുടെ നയങ്ങൾ സുവ്യക്തമാണ്. വിവിധ സാങ്കേതിക മേഖലകളെ പ്രോത്സാഹിപ്പിക്കുന്ന അദ്ദേഹത്തിന്റെ രീതികൾ ഏറെ പ്രയോജനം ചെയ്യും. ഇവയെല്ലാം അമേരിക്ക വലിയ സാദ്ധ്യതകളായി കാണുന്നു.’ ആന്റണി ബ്ലിങ്കൻ പറഞ്ഞു.
ഇന്നലെയാണ് ആന്റണി ബ്ലിങ്കനെ സെനറ്റിന്റെ വിദേശകാര്യ സമിതി അംഗീകരിച്ചത്. അമേരിക്കയുടെ വിജയിച്ച എല്ലാ ഭരണപരമായ വിദേശനയങ്ങളിലും ഇന്ത്യയുടെ പങ്കാളിത്തം നിർണ്ണായകമായിരുന്നു. ക്ലിന്റൺ ഭരണകൂടത്തിന്റെ അവസാന കാലം മുതൽ ഇന്ത്യയും അമേരിക്കയും നിരവധി മേഖലകളിലെ മുന്നേറ്റത്തിലും തീരുമാനത്തിലും തുടർച്ച കൈവരിച്ചുവെന്നതിൽ ഏറെ സന്തോഷമുണ്ടെന്നും ബ്ലിങ്കൻ ചൂണ്ടിക്കാട്ടി.
ആഗോളതലത്തിലെ അന്തരീക്ഷ മലിനീകരണങ്ങളെ ദൂരികരിക്കാൻ, കാലാവസ്ഥാ വ്യതിയാനം അടക്കമുള്ള വിഷയങ്ങളിലെല്ലാം ഇന്ത്യയുടെ പ്രധാനമന്ത്രി നരേന്ദ്രമോദി ലോകജനതയ്ക്ക് നൽകുന്ന പ്രതീക്ഷ വലുതാണ്. അദ്ദേഹത്തിന്റെ പിന്തുണ അമേരിക്കയുടെ ഗവേഷണ രംഗത്തിന് വലിയ സഹായമാകുമെന്നും ബ്ലിങ്കൻ വ്യക്തമാക്കി.
Comments