മിക്ക കറികളിലും ചേര്ക്കുന്ന ഒന്നാണ് മല്ലിയില. ഇവ സ്വാദിലും മണത്തിലും മികച്ചതും എല്ലാവരും ഇഷ്ടപ്പെടുന്നതുമാണ്. വെജിറ്റേറിയന് വിഭവങ്ങള് ആയാലും നോണ് വെജിറ്റേറിയന് വിഭവങ്ങള് ആയാലും അവയെ സ്വാദേറിയതാക്കാന് മല്ലിയില ആവശ്യം തന്നെ. സാധാരണ മല്ലിയില കടയില് നിന്ന് വാങ്ങിക്കുകയാണ് ചെയ്യാറുളളത്. എന്നാല് അവയൊന്നും തന്നെ ശുദ്ധമായിരിക്കണം എന്നില്ല. ഭൂരിഭാഗവും കീടനാശിനി തളിച്ച് വിഷാംശം അടങ്ങിയവയായിരിക്കും. അതുകൊണ്ട് തന്നെ മല്ലിയിലകള് വീട്ടില് തന്നെ കൃഷി ചെയ്യാവുന്നയാണ്. ഇതിനായി മല്ലി വിത്തുകള് എടുക്കുക. നമ്മള് വീട്ടില് ഉപയോഗിക്കുന്ന മല്ലിയല്ല. പകരം കടയില് മല്ലി വിത്തുകള് ലഭ്യമാകുന്നതാണ്.
അവ വാങ്ങിയ ശേഷം പാക്കറ്റ് പൊളിച്ച്. വിത്തുകള് ഒരു വെളുത്ത തുണിയില് വിതറുക. പിന്നീട് തുണി മടക്കി മടക്കിയ ശേഷം ഒരു ചപ്പാത്തി കോലോ കുഴലോ ഉപയോഗിച്ച് അധികം ശക്തി കൊടുക്കാതെ അവയുടെ മുകളിലൂടെ ഉടച്ച് കൊടുക്കുക. വിത്തുകള് രണ്ടായി പിളരാനാണ് ഇങ്ങിനെ ചെയ്യുന്നത്. അതികം ശക്തി ഉപയോഗിക്കാന് പാടുകയും ഇല്ല .അതിനു ശേഷം തുണി തുറന്ന് അതിലേക്ക് ചകിരിച്ചോറും ചാണകപ്പൊടിയും ചേര്ത്ത് നന്നായി യോജിപ്പിച്ച് ആ തുണിയില് തന്നെ പൊതിഞ്ഞ് നന്നായി കെട്ടിവയ്ക്കുക. അതിനു ശേഷം തുണിയുടെ മുകളിലേക്ക വെള്ളം സ്പ്രേ ചെയ്തു കൊടുക്കുക.
പിന്നീട് മൂന്നു ദിവസത്തിനു ശേഷം തുണി തുറന്നു നോക്കാവുന്നതാണ. തുണിയുടെ പുറത്തേക്കായി തന്നെ ചെറുതായി വേരുകള് വന്നതായി കാണാം. ശേഷം ഒരു ഗ്രോ ബാഗില് മണ്ണും ചകിരിച്ചോറും ചാണക പൊടിയും 3:1:1 എന്ന അനുപാതത്തില് യോജിപ്പ് അതിന്റെ മുകളിലേയ്ക്ക് തുണിയിലുളള മല്ലി വിത്തുകള് വിതറി കൊടുക്കുക. ഒരാഴ്ച കഴിയുമ്പോഴേക്കും ഇവ ചെറുതായി മണ്ണില്നിന്നും മുളച്ചു പൊന്തിയതായി കാണാം. പിന്നീട് ഒരു മാസം കഴിയുമ്പോഴേക്കും വിഷാംശം കലരാത്ത നല്ല ശുദ്ധമായ മല്ലിയില നമുക്ക് ലഭിക്കും. വളരെ എളുപ്പം തന്നെ നമുക്ക് വീട്ടില് കൃഷി ചെയ്യാവുന്ന ഒന്നാണിത്.
Comments