കൊച്ചി: ഇന്ത്യൻ ക്രിക്കറ്റിലെ പേസ് ബൗളറായിരുന്ന മലയാളിതാരം ശ്രീശാന്ത് ഐ.പി.എല്ലിലേക്ക് തിരികെ വരാനൊരുങ്ങുന്നു. അടുത്തമാസം 18-ാം തീയതി നട
ക്കുന്ന താരലേലത്തിൽ രജിസ്റ്റർ ചെയ്യുമെന്ന് ശ്രീശാന്ത് അറിയിച്ചു. എട്ടു ടീമുകൾ തന്നെ മാറ്റുരയ്ക്കുന്ന ഐ.പി.എൽ 2021 ഏപ്രിൽ മാസത്തിൽ ഇന്ത്യയിലാണ് നടക്കുന്നത്. നിലവിൽ കേരളത്തിനായി മുഷ്താഖ് അലി ടി20യിൽ ആദ്യ മത്സരത്തിൽ തന്നെ വിക്കറ്റ് നേടി ശ്രീശാന്ത് തന്റെ മികവ് തെളിയിച്ചിരുന്നു.
മലയാളിതാരം സഞ്ജു സാംസണെ രാജസ്ഥാൻ റോയൽസ് നായകനാക്കിയതോടെ ശ്രീശാന്തിന്റെ ഐ.പി.എൽ മടങ്ങിവരവ് യാഥാർത്ഥ്യമായാൽ അത് വലിയ നേട്ടമാകും. ഒത്തുകളി വിവാദത്തിൽ ശ്രീശാന്ത് ഉൾപ്പെട്ട സമയത്ത് രാജസ്ഥാൻ റോയൽസിന്റെ താരമായിരുന്നു. പുതിയ സീസണിൽ മൂന്ന് ടീമുകൾ ശ്രീശാന്തിനെ ലക്ഷ്യമിടുന്നുവെന്നാണ് സൂചന. മുംബൈ ഇന്ത്യൻസ്, ചെന്നൈ സൂപ്പർ കിംഗ്സ്, റോയൽ ചലഞ്ചേഴ്സ് ബാംഗ്ലൂർ എന്നിവരാണ് ശ്രീശാന്തിനായി ശ്രമിക്കുന്നതെന്നാണ് റിപ്പോർട്ട്.
ഡൽഹി ക്യാപിറ്റൽസിനായി ശ്രേയസ്സ് അയ്യർ നായകനായി തുടരുന്നതും മലയാളികൾക്ക് അഭിമാനമാണ്.ദേവദത്ത് പടിക്കലും കഴിഞ്ഞ സീസണിലെ മികച്ച പ്രകടനം നടത്തിയ മലയാളിയാണ്.
Comments