‘ഞാന് അയയ്ക്കുന്ന കമന്റുകള് എന്നെങ്കിലും ജയേട്ടന് കാണാന് ഇടവന്നാല് അപ്പോള് തന്നെ അദ്ദേഹം പ്രതികരിക്കും അതെനിക്ക് ഉറപ്പാണേ’ ജയസൂര്യയുടെ കടുത്ത ആരാധകന്റൈ ഉറച്ച വിശ്വാസമായിരുന്നു ഇത്. എന്നാല് ഈ വിശ്വാസം തെറ്റിയില്ല….. ആരാധകന്റെ കാത്തിരിപ്പിന് വിരാമമിട്ട് താരം. മൂന്നു വര്ഷമായി ജയസൂര്യയുടെ കമന്റ് ബോക്സില് വിടാതെ പിന്തുടരുന്ന റംസിയാണ് ഇപ്പോള് സോഷ്യല് മീഡിയയില് ശ്രദ്ധ നേടിയിരിക്കുന്നത്. ജയസൂര്യ എന്നെങ്കിലും തന്റെ കമന്റിനോട് പ്രതികരിക്കും എന്ന വിശ്വാസത്തിലാണ് റംസി ഓരോ കമന്റുകളും ഇട്ടിരുന്നത്.
ജയസൂര്യയുടെ എല്ലാ പോസ്റ്റിനും താഴെയുളള ഒരു ചാന്സ് തരുമോ എന്ന് റംസിയുടെ കമന്റുകള് സുഹൃത്തുക്കളും ആരാധകരും ശ്രദ്ധിക്കാന് തുടങ്ങിയതോടെയാണ് ഇത് വൈറലായത്. അതോടെ മൂന്നു വര്ഷമായി തന്റെ പിറകെ നടക്കുന്ന ആരാധകന്റെ അടുത്ത് താരത്തിന്റെ വിളിയുമെത്തി. താന് കാണാന് ആഗ്രഹിച്ച ഒന്നും മിണ്ടാന് ആഗ്രഹിച്ച താരത്തിന്റെ വിളി തന്നെ തേടി എത്തിയ സന്തോഷത്തിലാണ് റംസി. ആരാധകനെ പരിചയപ്പെട്ടതില് ഏറെ സന്തോഷം ഉണ്ടെന്നും വളരെ അടുത്തു തന്നെ നേരില് കാണാമെന്നും ജയസൂര്യ റംസിയോട് പറഞ്ഞു.
സാധാരണക്കാരോട് ഏറെ അടുത്തു നില്ക്കുന്ന അല്ലെങ്കില് നമ്മളിലൊരാളായി തന്നെ പെരുമാറുന്ന ഒരു താരമാണ് ജയസൂര്യ. താരത്തിന്റെ ഈ രീതിയാണ് ആരാധകര് അടുക്കുന്നതിന് പ്രധാന കാരണവും. ജയസൂര്യ ജീവിതത്തോട് ചേര്ന്നു നില്ക്കുന്ന ജയസൂര്യയുടെ അഭിനയ ശൈലിയും കഥാപാത്രങ്ങളുമാണ് റംസിയെ ഏറെ സ്വാധീനിച്ചത്. ജയസൂര്യയുടെ ഒരു ചിത്രം പോലും വിടാതെ ഇറങ്ങുന്ന എല്ലാ പടങ്ങളും ഒന്നിലധികം തവണ പോയി കാണുന്ന വ്യക്തിയാണ് റംസി. സിനിമ കാണുക മാത്രമല്ല ചിത്രത്തിന്റെ റിവ്യൂ അപ്പോള് തന്നെ സോഷ്യല് മീഡിയയില് പങ്കുവെയ്ക്കാറുമുണ്ട്.
Comments