മലയാള സിനിമയിലെ മുന്നിര താരങ്ങളിലൊരാളാണ് ബിജുമേനോന്. വ്യത്യസ്തമായ നിരവധി കഥാപാത്രങ്ങളിലൂടെ പ്രേക്ഷക മനസ്സില് സ്ഥാനം ഉറപ്പിച്ച താരം ഇപ്പോള് പുതിയ ഗെറ്റപ്പില് എത്തിയിരിക്കുകയാണ്. 72 വയസ്സുള്ള വ്യക്തിയായിട്ടാണ് താരം പ്രേക്ഷകര്ക്ക് മുന്നില് എത്തുന്നത്. ഛായാഗ്രാഹകനായ സാനു ജോണ് വര്ഗീസ് സംവിധാനം ചെയ്യുന്ന ആര്ക്കറിയാം എന്ന ചിത്രത്തിലാണ് റിട്ടയേര്ഡ് അധ്യാപകന്റെ വേഷത്തില് ബിജു മേനോന് എത്തുന്നത്. ലോക്ക് ഡൗണ് പശ്ചാത്തലമാകുന്ന ഈ ചിത്രത്തിന്റെ ടീസറിലെ പ്രധാന ആകര്ഷണം താരത്തിന്റെ പുതിയ വേഷ പകര്ച്ച തന്നെയാണ്. ആരാധകര് ആകാംഷയോടെയാണ് താരത്തിന്റെ ഈ കഥാപാത്രത്തെ കാത്തിരിക്കുന്നത്.
വ്യത്യസ്തമായ നിരവധി കഥാപാത്രങ്ങളിലൂടെ പ്രേക്ഷക ശ്രദ്ധ നേടിയ ബിജുമേനോന്റെ ഈ കഥാപാത്രവും അത്രത്തോളം തന്നെ മികച്ചതായിരിക്കും എന്നതില് സംശയമില്ല. സാനു ജോണ് വര്ഗീസ്, രാജേഷ് രവി, അരുണ് ജനാര്ദ്ദനന് എന്നിവര് ചേര്ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. ഒപിഎം സിനിമാസും മൂണ് ഷോട്ട് എന്റര്ടെയിന്മെന്റും ചേര്ന്നാണ് ചിത്രത്തിന്റെ നിര്മ്മാണം. ജി ശ്രീനിവാസ റെഡ്ഡിയാണ് ക്യാമറ, മഹേഷ് നാരായണന് എഡിറ്റിംഗും നിര്വ്വഹിക്കുന്നു. പാര്വതി തിരുവോത്തിന്റെ അച്ഛനായാണ് ബിജുമേനോന് ചിത്രത്തില് എത്തുന്നത്. ഷറഫുദ്ദീന് ചിത്രത്തില് പ്രധാന വേഷത്തില് എത്തുന്നു.
കോട്ടയം വാമൊഴിയിലാണ് ഈ രണ്ട് കഥാപാത്രങ്ങളുടെയും സംഭാഷണം. ഓര്ഡിനറി എന്ന ചിത്രത്തിലെ പാലക്കാടന് ഭാഷ സംസാരിക്കുന്ന ബിജു മേനോന്റെ കഥാപാത്രം വളരെയേറെ പ്രേക്ഷക ശ്രദ്ധ നേടിയിരുന്നു. മലയാളത്തില് ഏറെ ആരാധകരുളള ഒരു താരമാണ് ബിജുമേനോന്. സാധാരണക്കാരന്റെ വേഷത്തില് പ്രേക്ഷകര്ക്ക് മുന്നില് എത്തുന്ന താരത്തിന്റെ എല്ലാ കഥാപാത്രങ്ങളും മികവുറ്റതാണ്. സീരിയസ് കഥാപാത്രങ്ങളായാലും തമാശ നിറഞ്ഞവയായാലും അഭിനയിച്ചു വിജയിപ്പക്കാന് സാധിക്കുന്ന താരമാണ് ബിജുമേനോന്.
