കൊറോണ പ്രതിരോധ വാക്സിൻ സ്വീകരിച്ച് നടൻ ഗ്രിഗറിയും നൈല ഉഷയും. മലയാള സിനിമാ മേഖലയിൽ ആദ്യമായി വാക്സിൻ സ്വീകരിക്കുന്ന താരങ്ങളാണ് ഇവർ. വാക്സിൻ സ്വീകരിച്ച ശേഷമുള്ള ചിത്രങ്ങളും ഇൻസ്റ്റഗ്രാമിൽ പങ്കുവച്ചിട്ടുണ്ട്. ഗ്രിഗറി സ്വീകരിച്ച വാക്സിനേതാണെന്ന് താരം പറഞ്ഞിട്ടില്ല. സിനിഫോ എന്ന വാക്സിനാണ് നൈല ഉഷ സ്വീകരിച്ചത്.
അമേരിക്കയിൽ നിന്നും തിരിച്ചെത്തിയ ശേഷം താൻ കൊറോണ വാക്സിൻ സ്വീകരിച്ചുവെന്ന് ഗ്രിഗറി ഇൻസ്റ്റഗ്രാമിലൂടെ അറിയിച്ചു. ജീവൻ രക്ഷിക്കാൻ എല്ലാവരും നമ്മുടെ ഭാഗം ഭംഗിയായി നിർവ്വഹിക്കണം. മുൻനിര പ്രവർത്തകർ, ശാസ്ത്രജ്ഞർ, തൊഴിലാളികൾ, തുടങ്ങി നാടിന്റെ നന്മയ്ക്കായി സംഭാവന നൽകിയ എല്ലാവർക്കും നന്ദി അറിയിക്കുന്നുവെന്ന് വാക്സിന്റെ ആദ്യ ഡോസ് സ്വീകരിച്ച ശേഷമുള്ള ചിത്രം പങ്കുവച്ച് ഗ്രിഗറി കുറിച്ചു.
യുഎഇയിൽ നിന്നാണ് നൈല ഉഷ വാക്സിൻ സ്വീകരിച്ചത്. എല്ലാവരും വാക്സിൻ സ്വീകരിക്കണമെന്ന് നൈല ആവശ്യപ്പെട്ടു. വാക്സിന്റെ ആദ്യ ഡോസ് സ്വീകരിച്ച ശേഷം സുഖമായിരിക്കുന്നുവെന്നും താരം അറിയിച്ചു.
