മെൽബൺ: ഓസ്ട്രേലിയൻ ഓപ്പൺ ടെന്നീസിൽ പുരുഷവിഭാഗത്തിൽ നൊവാക് ജോക്കോവിച്ചു നദാലും ക്വാർട്ടറിൽ കടന്നു. വനിതാ വിഭാഗത്തിൽ ജപ്പാന്റെ നവോമി ഒസാക സെമിയിലെത്തി. അമേരിക്കയുടെ സെറീന വില്യംസിന് ഇന്ന് ക്വാർട്ടർ പോരാട്ടം.
പുരുഷവിഭാഗത്തിൽ നാലാം റൗണ്ടിൽ ജോക്കോവിച്ച് കാനഡയുടെ റാവോനി ക്കിനെ ഒന്നിനെതിരെ മൂന്ന് സെറ്റുകൾക്ക് പരാജയപ്പെടുത്തി(7-6,4-6,6-1,6-4). ജർമ്മനിയുടെ അലക്സാണ്ടർ സ്വരേവാണ് ക്വാർട്ടറിൽ സെർബിയൻ താരത്തിന്റെ എതിരാളി. രണ്ടാം സീഡ് റഫേൽ നദാലും ക്വാർട്ടറിലെത്തി. ഇറ്റലിയുടെ ഫാബിയോ ഫോഗിനിയെയാണ് നദാൽ തോൽപ്പിച്ചത്.(6-3,6-4,6-2). സ്വിറ്റ്സർലന്റിന്റെ സിറ്റ്സിപാസ്സാണ് എതിരാളി. സീഡഡ് താരങ്ങളായ ആന്ദേ റൂബലേവ്, നാലാം സീഡ് മെഡ് വെഡേവും ക്വാർട്ടറിലെത്തിയിട്ടുണ്ട്.
വനിതാ വിഭാഗത്തിൽ താരങ്ങളെല്ലാം ക്വാർട്ടർ പോരാട്ടത്തിലാണ്. ആദ്യ മത്സരത്തിൽ മൂന്നാം സീഡ് ജപ്പാന്റെ നവോമി ഒസാക 6-2,6-2ന് തായ്വാന്റെ സേ സൂ വിയെയാണ് തോൽപ്പിച്ചത്. സെറീന വില്യംസ് സബാലെങ്കയെ 6-4,2-6,6-4ന് തോൽപ്പിച്ച് ക്വാർട്ടറിലെത്തിയിട്ടുണ്ട്. രണ്ടാം സീഡ് സിമോണ ഹാലെപ് , ഒന്നാം സീഡ് ആഷ്ലി ബാർട്ടി എന്നിവരും ക്വാർട്ടറിലെത്തി.
