മെൽബൺ: ഓസ്ട്രേലിയൻ ഓപ്പണിൽ നൊവാക് ജോക്കോവിച്ച് ഫൈനലിൽ. സെമിഫൈനലിൽ റഷ്യയുടെ അസ്ലാൻ കാരാറ്റ്സേവിനെ 6-3, 6-4, 6-2നാണ് സെർബിയൻ താരം തോൽപ്പിച്ചത്. തന്റെ ആദ്യ ഗ്രാൻസ്ലാം ടൂർണ്ണമെന്റിൽ തന്നെ സെമിഫൈനലിലെത്തുന്ന താരമെന്ന നേട്ടവുമായിട്ടാണ് അസ്ലാൻ ജോക്കോവി ച്ചിനെതിരെ ഇറങ്ങിയത്.
17 തവണ ഗ്രാൻഡ് സ്ലാം കിരീടം സ്വന്തമാക്കിയ ജോക്കോവിച്ചിന്റെ എതിരാളി മെഡ് വേഡേവ്-സിറ്റ്സിപാസ് മത്സരത്തിലെ വിജയിയായിരിക്കും. 9 തവണ മെൽബണിൽ കിരീടം ചൂടിയ ജോക്കോവിച്ച് തന്റെ നേട്ടം ഉറപ്പിക്കാനാണ് ഫൈനലിൽ ഇറങ്ങുന്നത്. അടിവയറ്റിലെ വേദന അലട്ടുന്ന ജോക്കോവിച്ച് പക്ഷെ മത്സരം തനിക്ക് കൂടുതൽ ആത്മവിശ്വാസം നൽകിയെന്നാണ് പറഞ്ഞത്.
Comments