ബംഗളൂരു: വിജയ് ഹസാരേ ഏകദിനത്തിൽ കരുത്തരായ കർണ്ണാടകയ്‌ക്കെതിരെ കേരളം 277 റൺസ് വിജയ ലക്ഷ്യം വച്ചു. മുൻ നിരയുടെ തകർച്ചയെ നേരിട്ട മദ്ധ്യനിരയാണ് മികച്ച സ്കോർ കണ്ടെത്തിയത്. വത്സൻ ഗോവിന്ദ് (95), സച്ചിൻ ബേബി(54), മുഹമ്മദ് അസ്ഹറുദ്ദീൻ(59) എന്നിവരുടെ മികച്ച ബാറ്റിംഗാണ് കേരളത്തിനെ 8ന് 277 എന്ന സ്‌കോറിലേക്ക് എത്തിച്ചത്. 3ന് 60 എന്ന നിലയിൽ നിന്നാണ് കേരളം 4ന് 174ലേക്കും 5ന് 224ലേക്കും എത്തിയത്.
റോബിൻ ഉത്തപ്പ(0), വിഷ്ണു വിനോദ്(29),സജ്ഞു സാംസൺ(3), സച്ചിൻ ബേബി(54) എന്നിവരാമ് പുറത്തായവർ. ആദ്യ മൂന്ന് മത്സരങ്ങളിൽ ഒരു സെഞ്ച്വറിയും രണ്ട് അർദ്ധ സെഞ്ച്വറികളും നേടിയ താരമാണ് ഉത്തപ്പ. വിഷ്ണുവിനോദും സെഞ്ച്വറി നേട്ടത്തോടെ കസറിയ താരമാണ്. സഞ്ജു സാംസണും മികച്ച ബാറ്റിംഗാണ് കാഴ്ച വെട്ടത്. കഴിഞ്ഞ മൂന്ന് മത്സരങ്ങളിലും കസറിയ ബാറ്റിംഗ് നിരയെയാണ് കർണ്ണാടക ബൗളർമാർ വീഴ്‌ത്തിയത്.
കർണ്ണാടകയ്‌ക്കായി അഭിമന്യൂ മിഥുൻ 5 വിക്കറ്റുകൾ വീഴ്്ത്തിയപ്പേൾ പ്രസീദ് കൃഷ്ണ 2 വി്ക്കറ്റും ശ്രേയസ് ഗോപാലും ഒരു വി്ക്കറ്റും വീഴ്‌ത്തി.
