ന്യൂഡൽഹി: കുടുംബ പെൻഷനുമായി ബന്ധപ്പെട്ട അനിശ്ചിതത്വം തീർത്ത് കേന്ദ്രസർക്കാർ. കുടുംബ പെൻഷൻ പദ്ധതിയുമായി ബന്ധപ്പെട്ടാണ് തീരുമാനം എടുത്തിരിക്കുന്നത്. പെൻഷണറായ വ്യക്തി കുടുംബപെൻഷൻ വാങ്ങുന്നതുമായി ബന്ധപ്പെട്ട രേഖകൾ ശരിയാകും മുൻപ് മരണപ്പെട്ടാൽ ആ ബാധ്യത കേന്ദ്രസർക്കാർ നേരിട്ട് ഏറ്റെടുക്കുമെന്നാണ് തീരുമാനം.
1972ലെ കേന്ദ്ര സർക്കാർ സർവ്വീസ് പെൻഷൻ നിയമത്തിലെ വകുപ്പ് 59 അനുസരിച്ചാണ് പെൻഷൻ കാര്യങ്ങൾ തീരുമാനിക്കുക. കേന്ദ്ര സർവ്വീസ് നിയമം അനുസരിച്ച് സൂപ്പർ ആന്വേഷൻ തീയതിക്ക് ആറുമാസം മുമ്പായി പെൻഷൻ കടലാസ്സുകൾ സമർപ്പിക്കണ മെന്നാണ് പൊതുരീതി. ഇതിനിടയിൽ വ്യക്തി മരിച്ചാൽ ഏറെ കാത്തിരിക്കണമായിരുന്നു. അത്തരം പ്രശ്നങ്ങളിനി കുടുംബാംഗങ്ങളെ അലട്ടില്ലെന്ന് കേന്ദ്ര സർക്കാർ വ്യക്തമാക്കി. സർക്കാർ നേരിട്ട് അത്തരം എല്ലാ ഔദ്യോഗിക നടപടികളും പൂർത്തിയാക്കി കുടുംബാംഗങ്ങളെ ഏൽപ്പിക്കും.
കേന്ദ്രസർവ്വീസിൽ നിന്ന് ഒരു വ്യ്ക്തിവിരമിച്ചാൽ തൊട്ടടുത്ത മാസം മുതൽ പെൻഷൻ ലഭിക്കണം. അതുപോലെ ആ വ്യക്തി മരണപ്പെട്ടാൽ കുടുംബാംഗങ്ങൾക്ക് കുടുംബ പെൻഷനും അർഹതയുണ്ട്. തൊട്ടടുത്ത മാസം മുതൽ അത് ലഭിക്കാനുള്ള കാലതാമസമാണ് ഇനി നീങ്ങുന്നത്.
Comments