റെഡി-ഗോ, ഗോ, ഗോ പ്ലസ് എന്നീ മോഡലുകളള്ക്ക് ആര്ഷകമായ ആനുകൂല്യങ്ങള് പ്രഖ്യാപിച്ച് ഡാറ്റ്സന്. എക്സ്ചേഞ്ച് ഓഫറുകള് മാത്രമല്ല. ക്യാഷ് ഡിസ്കൗണ്ട് ഓഫറുകളും ഉപയോക്താക്കള്ക്ക് ഇതുവഴി കമ്പനി ലഭ്യമാക്കുന്നു. 15,000 രൂപ വീതമുള്ള ക്യാഷ് ഡിസ്കൗണ്ട്, എക്സ്ചേഞ്ച് ബോണസ് എന്നിവ ഉപയോഗിച്ച് റെഡി-ഗോ വാങ്ങാവുന്നതാണ്. ഇന്ത്യാ ഗവണ്മെന്റ് മാനദണ്ഡം അനുസരിച്ച് സര്ക്കാര്, പൊതുമേഖലാ ജീവനക്കാര്ക്ക് 15,000 രൂപയുടെ കോര്പ്പറേറ്റ് കിഴിവും ഡാറ്റ്സന് വാഗ്ദാനം ചെയ്യുന്നു. ഡാറ്റ്സന് ഗോ, ഗോ പ്ലസ് എന്നിവയ്ക്ക് 20,000 രൂപ വീതമുള്ള എക്സ്ചേഞ്ചിനും ക്യാഷ് ഡിസ്കൗണ്ട് ലഭ്യമാണ്.
ഈ മോഡലുകളില് എല്ലാ സര്ക്കാര്, പൊതുമേഖലാ ജീവനക്കാര്ക്ക് പ്രത്യേക എല്ടിസി ഓഫറും ഇതോടൊപ്പം ലഭ്യമാക്കിയിട്ടുണ്ട്. എന്ഐസി പ്രാപ്തമാക്കിയ ഷോറൂമുകളില് മാത്രമേ എക്സ്ചേഞ്ച് ആനുകൂല്യം തെരഞ്ഞെടുക്കാന് സാധിക്കുക എന്നും കമ്പനി അറിയിച്ചു. കൂടാതെ ഓഫറുകളിലും വ്യത്യാസമുണ്ടാകും. രണ്ട് പെട്രോള് എഞ്ചിനുകള് ഓപ്ഷനുകളിലാണ് റെഡി-ഗോ വിണിയില് എത്തുന്നത്. 0.8 ലിറ്റര് എഞ്ചിന് 54 ബിഎച്ച്പി കരുത്തും 72 എന്എം ഉം വികസിപ്പിക്കുമ്പോള് വലിയ 1.0 ലിറ്റര് മോട്ടോര് 67 ബിഎച്ച്പി കരുത്തും 91 എന്എം ഉം ആണ് ഉത്പാദിപ്പിക്കുന്നത്.
അഞ്ച് സ്പീഡ് മാനുവല് ഗിയര്ബോക്സ് സ്റ്റാന്ഡേര്ഡാണ്, അഞ്ച് സ്പീഡ് എഎംടി 1.0 ലിറ്റര് എഞ്ചിനില് മാത്രം പരിമിതപ്പെടുത്തിയിരിക്കുന്നു. അഞ്ച് സ്പീഡ് മാനുവല് ഗിയര്ബോക്സും സിവിടി യൂണിറ്റുമാണ് ഇതിലെ ഗിയര്ബോക്സ് ഓപ്ഷനുകള്. റെഡി-ഗോ ഹാച്ച്ബാക്ക് മോഡലിന് 2.86 ലക്ഷം രൂപ എന്ന എക്സ്ഷോറൂം വിലയിലാണ് ഡാറ്റ്സൻ ശ്രേണി ആരംഭിക്കുന്നത്. ടോപ്പ് സ്പെക്ക് ഡാറ്റ്സൻ ഗോ പ്ലസ് എംപിവിക്ക് 6.99 ലക്ഷം രൂപയാണ് എക്സ്ഷോറൂം വില. കമ്പനി പ്രഖ്യാപിച്ച ആകര്ഷകമായ ഈ എല്ലാ ആനുകൂല്യങ്ങളും 2021 മാര്ച്ച് 31 വരെ മാത്രമേ ലഭ്യമാകുകയുള്ളു.
