ഒരൊറ്റ സിനിമയിലൂടെ തന്നെ മലയാളികളുടെ മനസ്സില് പതിഞ്ഞ മുഖമാണ് അരവിന്ദ് ആകാശ് എന്ന നടന്റേത്. രഞ്ജിത്തിന്റെ സംവിധാനത്തില് പുറത്തിറങ്ങിയ നന്ദനം എന്ന ചിത്രത്തിലെ കൃഷ്ണനെന്ന ഒരു കഥാപാത്രം മതി അരവിന്ദ് ആകാശ് എന്ന നടനെ മലയാളികള് എന്നും ഓര്ത്തിരിക്കാന്. നിരവധി സിനിമകളില് അരവിന്ദ് അഭിനയിച്ചിട്ടുണ്ടെങ്കിലും നന്ദനത്തിലെ ഈ കഥാപാത്രത്തോളം മലയാളികള് നെഞ്ചിലേറ്റിയ മറ്റൊരു കഥാപാത്രവും ഇല്ലെന്നു തന്നെ പറയാം. അരവിന്ദ് എന്നു പറയുന്നതിലും നന്ദനത്തിലെ കൃഷ്ണന് എന്നു പറയുന്നതാണ് മലയാളികള്ക്ക് ഏറ്റവും പ്രിയം.
ഇപ്പോഴിതാ സോഷ്യല് മീഡിയയില് അരവിന്ദ് പങ്കുവെച്ചിരിക്കുന്ന ഒരു ഓര്മ്മ ചിത്രമാണ് വൈറലായി കൊണ്ടിരിക്കുന്നത്. ബോളിവുഡ് താരങ്ങളായ അക്ഷയ് കുമാര്, സുനീൽ ഷെട്ടി എന്നിവര്ക്കൊപ്പം നില്ക്കുന്ന അരവിന്ദിന്റെ ഫോട്ടോയാണ് താരം പങ്കുവെച്ചിരിക്കുന്നത്. 2000 കാലഘട്ടത്തില് എടുത്ത ഈ ചിത്രം ആരാധകര് ഏറ്റെടുത്തു. പഞ്ചാബ് സ്വദേശിയാണ് അരവിന്ദ്. എന്നാല് അരവിന്ദന്റെ അമ്മ തമിഴ് സിനിമകളിലെ ഡാന്സറായി ആയിരുന്നതിനാല് അരവിന്ദന്റെ കുടുംബം ചെന്നൈയിലേക്ക് താമസം മാറി.
അമ്മ വഴിയാണ് അരവിന്ദ് ഡാന്സിലേക്കും അതിലൂടെ പിന്നീട് സിനിമയിലേക്കും എത്തിപ്പെടുന്നത്. പടയപ്പ എന്ന ചിത്രത്തില് ഒരു ഡാന്സറായി തുടക്കം കുറിച്ച അരവിന്ദ് പിന്നീട് ഹേ റാം, ഉയിരിലെ കലന്തത് തുടങ്ങിയ ചിത്രങ്ങളിലും അഭിനയിച്ചു. നളചരിതം നാലാം ദിവസം എന്ന ചിത്രത്തിലൂടെ മലയാളത്തിലും അരവിന്ദ് കാലെടുത്തു വെച്ചു. പിന്നീട് നന്ദനം ഉള്പ്പടെ മലയാളത്തിലും തമിഴിലുമായി നിരവധി ചിത്രങ്ങളില് അരവിന്ദ് അഭിനയിച്ചിട്ടുണ്ട്. അഭിനേതാവ് എന്നതിലുപരിയായി നല്ലൊരു നര്ത്തകന് കൂടിയാണ് അരവിന്ദ്. അതുകൊണ്ടു തന്നെ ഡാന്സ് റിയാലിറ്റി ഷോകളുടെ ജഡ്ജായും താരം വരാറുണ്ട്.
