പുറത്തു നിന്നും ഭക്ഷണം കഴിക്കുന്നവരാണ് മിക്ക ആളുകളും. പുറത്തിറങ്ങിയാല് ഒരു ഭക്ഷണ ശാലയില് എങ്കിലും കയറാന് ആഗ്രഹിക്കാത്തവര് കുറവാണ്. എന്നാല് ഭക്ഷണ ശാലകളില് കയറി കഴിഞ്ഞാല് ഏറ്റവും കൂടുതല് കേള്ക്കുന്നത് ഭക്ഷണത്തെ കുറിച്ചുളള പരാതിയാണ്. അവയുടെ ഗുണത്തെ പറ്റിയോ രുചിയെ പറ്റിയോ എല്ലാം നമ്മള് പരാതിപ്പെടാറുണ്ട്. എന്നാല് വനേസയുടെ പരാതി കേട്ടാല് ആരുമൊന്ന് ഞെട്ടിപ്പോകും. ഇംഗ്ലണ്ട് എക്സിറ്റര് നഗരത്തിലെ കെന്റകി ഫ്രൈഡ് ചിക്കനില് എത്തിയപ്പോഴാണ് ഇവിടെ വെജിറ്റേറിയന് വിഭവങ്ങള് ഇല്ല എന്ന് വനേസ തിരിച്ചറിഞ്ഞത്.
അതോടെ ഇവിടെ എന്തു കൊണ്ട് വെജിറ്റേറിയന് വിഭവങ്ങള് ഇല്ല എന്ന പരാതിയുമായി ഈ യുവതി രംഗത്തെത്തി. പ്രധാനമായും വെജിറ്റേറിയന് ഭക്ഷണം മാത്രം ഉള്പ്പെടുന്ന ഒരു ഡയറ്റാണ് പെസ്കറ്റേറിയന്. ഈ ഡയറ്റ് പിന്തുടരുന്ന ഒരാളാണ് വനേസ. അതുകൊണ്ടു തന്നെ വെജിറ്റേറിയന് ബര്ഗറോ വെജ് റൈസോ വാങ്ങിക്കാനായി മെനു കാര്ഡില് നോക്കിയപ്പോള് തനിക്ക് വേണ്ടത് ഒന്നും തന്നെ ഇവിടെയില്ല എന്നും എല്ലാം ചിക്കന് കൊണ്ടുള്ള വിഭവങ്ങള് മാത്രമാണെന്നും യുവതി പരാതിപ്പെട്ടു.
കെഎഫ്സിയില് എന്തു കൊണ്ട് വെജിറ്റേറിയന് വിഭവങ്ങള് നല്കുന്നില്ല എന്നാണ് യുവതിയുടെ പരാതി. ഇത് വാർത്തയായതോടെ സോഷ്യൽ മീഡിയയില് വൈറലായി. യുവതിയുടെ പരാതിയെ അനുകൂലിച്ചും പ്രതികൂലിച്ചും നിരവധി പേരാണ് സോഷ്യല് മീഡിയയിലൂടെ രംഗത്തെത്തിയത്. കെഎഫ്സിയിലെ ‘സി’ എന്തിനെ സൂചിപ്പിക്കുന്നു എന്ന് ഇവര്ക്ക് അറിയില്ലേ എന്നായിരുന്നു ഒരു വിഭാഗത്തിന്റെ പ്രതികരണം. എന്നാല് കെഎഫ്സിയില് വെജിറ്റേറിയന് ഉള്പ്പെടുത്തണം എന്നു പറഞ്ഞു കൊണ്ട് യുവതിയെ അനുകൂലിച്ച് എത്തിയവരും കുറവല്ല
