ഏറ്റവും കൂടുതല് ആളുകളില് കണ്ടു വരുന്ന ഒന്നാണ് പ്രമേഹം. എഴുപത് ലക്ഷം പേരാണ് രാജ്യത്ത് പ്രമേഹ രോഗബാധിതരായിട്ടുളളത് അതുകൊണ്ട് തന്നെ പ്രമേഹത്തിന്റെ ലോക തലസ്ഥാനം എന്നാണ് ഇന്ത്യയെ വിശേഷിപ്പിക്കുന്നതും. നാല്പത് വയസ്സിനു മുകളിലുള്ള ഏതൊരാള്ക്കും ഇന്ന് പ്രമേഹമുണ്ട്. അതിനു പ്രധാന കാരണം നമ്മുടെ ജീവിത ശൈലി തന്നെയാണ്. എന്നാല് ജീവിതശൈലീ രോഗമായ പ്രമേഹത്തെ ജീവിതശൈലിയില് വരുത്തുന്ന മാറ്റങ്ങളിലൂടെ തന്നെ നമുക്ക് നിയന്ത്രിക്കാവുന്നതാണ്. ഇത്തരത്തില് പ്രീ ഡയബറ്റിക് അവസ്ഥയില് ഉള്ള ഒരാള്ക്ക് ടൈപ്പ് ടു പ്രമേഹം വരുന്നത് തടയാന് ജീവിതശൈലീ മാറ്റത്തിലൂടെ സാധിക്കുമെന്ന് സെന്റര് ഫോര് ഡിസീസ് കണ്ട്രോള് ആന്ഡ് പ്രിവന്ഷന് അഭിപ്രായപ്പെടുന്നു.
അനാരോഗ്യകരമായ ജീവിതശൈലി മാത്രമല്ല മറ്റു ചില ബാഹ്യ ഘടകങ്ങളും ഈ രോഗസാധ്യത വര്ധിപ്പിക്കുന്നതിന് കാരണമാകുന്നു. അതില് പ്രധാനമാണ് രക്തത്തിന്റെ ഘടന.
ഒ ഗ്രൂപ്പില്പ്പെട്ട രക്തമുള്ള ആളുകള്ക്ക് ടൈപ്പ് ടു പ്രമേഹം പിടിപെടാനുള്ള സാധ്യത വളരെ കുറവാണ്. എന്നാല് ഒ ഗ്രൂപ്പ് അല്ലാത്തവര്ക്ക് ടൈപ്പ് ടു പ്രമേഹം വരാനുള്ള സാധ്യത കൂടുതലാണ് എന്ന് പഠനങ്ങളില് പറയുന്നു. ഒ ഗ്രൂപ്പില്പ്പെട്ട രക്തമുള്ള ആളുകളെ അപേക്ഷിച്ച് എ രക്തഗ്രൂപ്പുക്കാരില് പ്രമേഹം വരാനുള്ള സാധ്യത പത്ത് ശതമാനം കൂടുതലാണ്.
ബി പോസിറ്റീവ് ഗ്രൂപ്പുകാര്ക്ക് പ്രമേഹം വരാനുള്ള സാധ്യത കൂടുതലാണെന്നും പഠനങ്ങളില് തെളിഞ്ഞിട്ടുണ്ട്. ഒ രക്തഗ്രൂപ്പുകാരെ അപേക്ഷിച്ച് മറ്റുള്ളവരുടെ രക്തത്തിലെ പ്രോട്ടീനില് നണ് വില്ലിബ്രാന്ഡ് ഘടകം കൂടുതലായിരിക്കും. ഇത് രക്തത്തിലെ പഞ്ചസാരയുടെ അളവ് ഉയര്ത്താന് കാരണമാകുന്നു. അതുകൊണ്ടായിരിക്കാം മറ്റുള്ള രക്തഗ്രൂപ്പുകളില് നിന്നും ഒ ഗ്രൂപ്പുകളില് പ്രമേഹം പിടിപെടാനുള്ള സാധ്യത കുറവായതെന്നാണ് ഗവേഷകര് പറയുന്നത്.
Comments