പാമ്പിനെ പിടിക്കുന്ന വീഡിയോ ചിത്രീകരിക്കാന് പോയി കാഴ്ചശക്തി ഭാഗികമായി നഷ്ടപ്പെട്ട യുവാവിന്റെ വാര്ത്തയാണ് ഇപ്പോള് സോഷ്യല് മീഡിയ നിറഞ്ഞു നില്ക്കുന്നത്. നിക്ക് ബിഷപ്പ് എന്ന യുവാവിനെയാണ് വീഡിയോ എടുക്കുന്നതിനിടെ പാമ്പ് ആക്രമിച്ചത്.
ഫ്ളോറിഡയിലെ എവര്ഗ്ലേഡ് നാഷണല് പാര്ക്കിലാണ് സംഭവം നടന്നത്. ബര്മീസ് പൈതണല് വിഭാഗത്തില് പെട്ട പാമ്പിന്റെ ആക്രമണത്തിനാണ് ഈ മുപ്പത്തിരണ്ടുകാരന് ഇരയായത്. വീഡിയോയില് പാമ്പിനെ കയ്യിലെടുത്ത് അതിനെ കുറിച്ച് വിശദീകരിക്കുന്നതിനിടയില് ആണ് പാമ്പ് കണ്ണിലേക്ക് ആഞ്ഞു കൊത്തിയത്. എന്നിട്ടും അത് കാര്യമാക്കാതെ നിക്ക് ബിഷപ്പ് തന്റെ വീഡിയോ തുടര്ന്നും ചിത്രീകരിച്ചു. പാമ്പ് കടിച്ച ഭാഗത്തു നിന്നും ചോര മുഖത്തേക്ക് ഒലിച്ചിറങ്ങുന്നത് വീഡിയോയില് വ്യക്തമായി കാണുന്നുണ്ട്. ഇപ്പോഴിതാ കാഴ്ചശക്തി ഭാഗികമായി നഷ്ടപ്പെട്ടു എന്ന വാര്ത്തയാണ് പുറത്തു വന്നിരിക്കുന്നത്.
നിക്ക് ബിഷപ്പിന്റെ വീഡിയോയും അതോടൊപ്പം ഈ യുവാവിനെ കുറിച്ചുള്ള വാര്ത്തകളും ഇപ്പോള് സോഷ്യല് മീഡിയയില് വൈറലായി കൊണ്ടിരിക്കുകയാണ്. 1980 ലാണ് എവര്ഗ്ലേഡില് ബര്മീസ് പൈതണലിനെ ആദ്യമായി കണ്ടെത്തിയത്. ഉടമസ്ഥര് വളര്ത്താനായി കൊണ്ടു വന്ന പെരുമ്പാമ്പുകളെ ഉപേക്ഷിച്ചു. ഇതാണ് ഈ വനത്തില് എത്താന് കാരണമായത്. 1992 ആയപ്പോഴേക്കും ഇവ പെറ്റുപെരുകി. കൂടാതെ ആ പ്രദേശത്ത് കണ്ടുവന്നിരുന്ന ചെറുജീവികളെയെല്ലാം ഇവ കൊന്നൊടുക്കി.
