മലയാളികളുടെ പ്രിയങ്കരനായ താരം മോഹൻലാൽ ആദ്യമായി സംവധാനം ചെയ്യുന്ന ചിത്രം ബറോസിന്റെ ചിത്രീകരണം ഇന്ന് മുതൽ ആരംഭിക്കുകയാണ്. അമിതാഭ് ബച്ചൻ അടക്കം നിവരധി താരങ്ങളാണ് മോഹൻലാലിന് ആശംസകളുമായെത്തിയിരിക്കുന്നത്. ഇപ്പോഴിതാ ആശംസകൾ നേർന്ന് സുരേഷ് ഗോപി പങ്കുവച്ച കുറിപ്പാണ് സോഷ്യൽ മീഡിയയിൽ ശ്രദ്ധനേടുന്നത്. മോഹൻലാലിനൊപ്പമുള്ള പഴയ ചിത്രവും പങ്കുവച്ചുള്ളതാണ് കുറിപ്പ്.
‘അദ്ദേഹത്തിന് അഭിനയിക്കാൻ കഴിയും, പാട്ടു പാടാൻ കഴിയും, ശരീരം നന്നായി ചലിപ്പിക്കാനും അദ്ദേഹത്തിന്റെ കഴിവുകളെ സമ്പന്നമാക്കാൻ എന്തു ചെയ്യാനും കഴിയും. ഇന്ന്, അദ്ദേഹം ഒരു സംവിധായകനെന്ന നിലയിൽ ഒരു പുതിയ യാത്ര ആരംഭിക്കാൻ ഒരുങ്ങുകയാണ്. ഈ അതിശയകരമായ തുടക്കത്തിൽ, എന്റെ പ്രിയപ്പെട്ട ലാലിന് എല്ലാവിധ ആശംസകളും വിജയവും നേരുന്നു. ബാറോസിന്റെ എല്ലാ അണിയറ പ്രവർത്തകർക്കും താരങ്ങൾക്കും പ്രത്യേകിച്ച് ജിജോ പുന്നൂസ്, ആന്റണി പെരുമ്പാവൂർ, സന്തോഷ് ശിവൻ എന്നിവർക്കും എല്ലാവിധ ആശംസകളും നേരുന്നു’ സുരേഷ് ഗോപി ഇൻസ്റ്റഗ്രാമിൽ കുറിച്ചു.
ബറോസിന്റെ പൂജയാണ് ഇന്ന്. ത്രിഡി ചിത്രം ബറോസിന്റെ ചിത്രീകരണം ആരംഭിച്ചു. കാക്കനാട് നവോദയ സ്റ്റുഡിയോയിൽ വച്ചായിരുന്നു ചിത്രത്തിന്റെ പൂജ. മമ്മൂട്ടി, പ്രിയദർശൻ, സത്യൻ അന്തിക്കാട്, സിബി മലയിൽ, ലാൽ, ദിലീപ്, പൃഥ്വിരാജ്, സിദ്ദിഖ് ഉൾപ്പടെ സിനിമാരംഗത്തെ നിരവധി പ്രമുഖർ ചടങ്ങിൽ പങ്കെടുത്തു. പൂജയുടെ ചിത്രങ്ങളെല്ലാം സമൂഹമാദ്ധ്യമങ്ങളിൽ ശ്രദ്ധനേടിയിരുന്നു.
https://www.instagram.com/p/CMyU_Rjp8P4/?utm_source=ig_web_copy_link
