ന്യൂയോർക്ക്: ജെയിംസ് ബോണ്ട് ആരാധകർക്ക് ബോണ്ട് സിനിമകൾ കാണാനായി ഒരു സുവർണാവസരം. നേർഡ്ബിയർ.കോം ആണ് ഓഫറുമായി എത്തിയിരിക്കുന്നത്. ബോണ്ടിന്റെ ഇതുവരെ ഇറങ്ങിയ 24 സിനിമകൾ കാണാനാണ് ഇവർ അവസരം ഒരുക്കുന്നത്. വെറുതെയല്ല ഈ അവസരം.. 1000 ഡോളർ(ഏകദേശം 72,000 രൂപ) പ്രതിഫലവും ഇതിന് ലഭിക്കും.
1962ൽ പുറത്തിറങ്ങിയ ഡോക്ടർ നോ മുതൽ 2015ൽ പുറത്തിറങ്ങിയ സ്‌പെക്ടർ വരെയാണ് തെരഞ്ഞെടുക്കുന്നവർ കാണേണ്ടത്.. ജെയിംസ് ബോണ്ടിന്റെ അടുത്ത ചിത്രമായ നോ ടൈം ടു ഡെയുടെ റിലീസിന് മുൻപ് പഴയ ചിത്രങ്ങളെല്ലാം കണ്ടു തീർക്കണം എന്നതാണ് വ്യവസ്ഥ. കണ്ടുതീർക്കുന്നവർക്ക് 1000 ഡോളർ പ്രതിഫലവും ലഭിക്കും.
തിരഞ്ഞെടുക്കപ്പെടുന്നവർക്ക് 1000 ഡോളർ കൂടാതെ ജെയിംസ് ബോണ്ട് സിനിമകൾ കാണാൻ 100 ഡോളറിന്റെ ആമസോൺ ഗിഫ്റ്റ് കാർഡ്, ഏറ്റവും പുതിയ ചിത്രം കാണാൻ 50 ഡോളറിന്റെ എഎംസി ഗിഫ്റ്റ് കാർഡ് എന്നിവ ലഭിക്കും. താത്പര്യമുള്ളവർ നോർഡ്ബിയർ.കോം വെബ്‌സൈറ്റിലെ ആപ്ലിക്കേഷൻ ഫോം പൂരിപ്പിച്ച ശേഷം താൻ എന്തുകൊണ്ടാണ് ജെയിംസ് ബോണ്ട് ആരാധകനായതെന്നും എന്തുകൊണ്ടാണ് ഈ ഓഫർ നേടാൻ യോഗ്യനെന്നും വ്യക്തമാക്കണം.
