മണി ഹെയ്സ്റ്റിലെ പ്രൊഫസറെക്കാൾ ജീനിയസ്: ജോർജ്ജ് കുട്ടിയെ പ്രശംസിച്ച് ആഫ്രിക്കൻ ബ്ലോഗർ

മോഹൻലാൽ- ജീത്തു ജോസഫ് കൂട്ടുകെട്ടിൽ പുറത്തിറങ്ങിയ ദൃശ്യം 2 സൃഷ്ടിച്ച അലയൊലികൾ ഇപ്പോഴും അവസാനിച്ചിട്ടില്ല. സിനിമയിലെ കഥാപാത്രങ്ങളും ഡയലോഗുകളും ഇന്നും സിനിമാ ആസ്വാദകർ ആഘോഷമാക്കുകയാണ്. ഭാഷകളുടെ അതിർ വരമ്പുകളെ ഭേദിച്ചും ചിത്രത്തിന് അഭിനന്ദനങ്ങൾ എത്തിയിരുന്നു. ഇപ്പോഴിതാ പ്രശസ്ത ആഫ്രിക്കൻ ബ്ലോഗർ ഫിഫി അദിൻക്രാ ട്വിറ്ററിലൂടെ ചിത്രത്തെ പ്രശംസിച്ച് എത്തിയിരിക്കുകയാണ്.

Forget professor,

That dude in Drishyam is a genius

— Fiifi Adinkra (@fiifiadinkra) March 28, 2021

ലോകപ്രശസ്ത വെബ് സീരീസായ മണി ഹെയ്സ്റ്റിലെ പ്രൊഫസർ എന്ന കഥാപാത്രത്തെക്കാൾ ജീനിയസാണ് ദൃശ്യത്തിലെ ജോർജ്ജ് കുട്ടിയെന്ന് ഫീഫി അദിൻക്രാ ട്വീറ്റ് ചെയ്തു. പ്രൊഫസറെ മറന്നുകൊള്ളാനും അദിൻക്രാ പറയുന്നു. ദൃശ്യം 3 വരാനായി താൻ കാത്തിരിക്കുകയാണെന്നും അദ്ദേഹം കൂട്ടിച്ചേർത്തു.

#Drishyam2 Appreciation from West Africa 🤩🔥

Fifi Adinkra,The Famous Ghanaian blogger about #Drishyam2 !!! @fiifiadinkra

ഇറങ്ങി ഇത്ര ദിവസമായി സ്റ്റിൽ 🙏🔥
Un expected റീച് എന്നൊക്കെ പറഞ്ഞാൽ ഇതാണ് 🔥 pic.twitter.com/zhQRBJGLdv

— MohanlalMediaClub (@MohanlalClub) March 28, 2021

ഫെബ്രുവരി 19നായിരുന്നു ദൃശ്യം 2 ആമസോൺ പ്രൈമിൽ റിലീസ് ചെയ്തത്. ജോർജ്ജ്കുട്ടിയെ അവിസ്മരണീയമാക്കിയ മോഹൻലാലിനും ജീത്തു ജോസഫിന്റെ ക്രിമിനൽ ബ്രില്യൻസിനും മികച്ച പ്രതികരമാണ് ലഭിച്ചത്. ദൃശ്യത്തിന്റെ മൂന്നാം ഭാഗത്തിനായി ക്ലൈമാക്‌സ് മനസിലുണ്ടെന്നും അത് മോഹൻലാലിന് ഇഷ്ടമായെന്നും ജീത്തു ജോസഫ് പറഞ്ഞിരുന്നു.