പുസ്തകത്തിനുളളില് മയില്പ്പീലി ഒളിപ്പിക്കാത്ത ഒരു കുട്ടിക്കാലം ഉളളവര് കുറവായിരിക്കും. കാരണം കുട്ടികള്ക്ക് എപ്പോഴും കൗതുകം തോന്നുന്ന ഒന്നാണ് മയില്പ്പീലി. അതുകൂടാതെ പല വീടുകളില് കാണുന്ന ഒന്നാണ് മയില്പ്പീലി. എന്നാല് ജീവിത വിജയങ്ങളുടെയും ഐശ്വര്യത്തിന്റേയും ചൂണ്ടുപല കൂടിയായ മയില്പ്പീലിയെ ഒരിക്കലും അലങ്കാര വസ്തുവായി കാണരുതെന്നാണ് പഴമക്കാര് പറയാറുള്ളത്.
വീടിന്റെ ദോഷങ്ങള് ഇല്ലാതാക്കുന്നതിനായി മുന്വാതിലിനു സമീപത്ത് ഏതാനും മയില്പ്പീലി സൂക്ഷിക്കുന്നത് ഉത്തമമാണെന്നാണ് പറയെപ്പടുന്നത്. സമ്പത്തിന്റെ ദേവതയായ ലക്ഷ്മി ദേവിയുമായി മയില് ബന്ധപ്പെട്ടിരിക്കുന്നു എന്നും വിശ്വാസമുണ്ട്. മയില്പ്പീലി വീട്ടില് സൂക്ഷിക്കുന്നതിനുള്ള ഒരു കാരണവും ഇതാണ്. ഇത് വീട്ടിലേക്ക് സമൃദ്ധിയും സമ്പത്തും നല്കുന്നുവെന്ന് വിശ്വസിക്കുന്നു.
മയില്പ്പീലി പരിസ്ഥിതിയിലെ ഊര്ജ്ജത്തെ സംരക്ഷിക്കുന്നതായും വിശ്വസിക്കപ്പെടുന്നു. മനസ്സിന് ഐക്യവും സന്തോഷവും നല്കുന്ന പക്ഷിയാണ് മയില്. മയിലിന്റെ തൂവലുകളില് ആയിരം കണ്ണുകളുണ്ടെന്നും വിശ്വസിക്കപ്പെടുന്നു. ദമ്പതിമാര് തമ്മിലുളള അടുപ്പവും സ്നേഹവും വര്ദ്ധിപ്പിക്കാന് കിടപ്പുമുറിയില് ഒരു മയില്പ്പീലി ചിത്രം വയ്ക്കുന്നത് സഹായിക്കുമെന്നും. പറയുന്നു. ഓഫീസിലോ ജോലിസ്ഥലത്തോ ഇവ സൂക്ഷിക്കുന്നത് വ്യക്തിപരമായും തൊഴില് പരമായും അഭിവൃദ്ധിയുണ്ടാകാന് നല്ലതാണ്.
ഹിന്ദു പുരാണത്തില് വിഷ്ണുവിന്റെ വാഹനമായ ഗരുഡന്റെ ഒരു തൂവലില് നിന്നാണ് മയിലിനെ സൃഷ്ടിച്ചതെന്ന് വിശ്വസിക്കപ്പെടുന്നു. പണ്ടുകാലത്ത് മയിലുകള്ക്ക് മങ്ങിയ തൂവലുകളായിരുന്നു ഉണ്ടായിരുന്നത്. ഒരിക്കല് രാവണനും ഇന്ദ്രനും തമ്മില് ശക്തമായ യുദ്ധം നടക്കുകയുണ്ടായി. അന്ന് രാവണന്റെ ആക്രമണത്തില് നിന്നും ഇന്ദ്രനെ രക്ഷിക്കാന് മയിലുകള് സഹായം ചെയ്തു നല്കി. തന്റെ വലിയ പീലികള് വിരിച്ചു നിന്ന് ഇന്ദ്രനെ അതിനുള്ളില് ഒളിപ്പിച്ചു വെച്ചു രാവണനില് നിന്നും രക്ഷപ്പെടുത്തി. സന്തുഷ്ടനായ ഇന്ദ്രന് അതിനു പകരമായി മയിലിന്റെ തൂവലുകള് വര്ണ്ണാഭമാക്കി നല്കി എന്നാണ് വിശ്വാസം.
Comments