മുംബൈ : ഞങ്ങൾ ഒന്നിക്കാൻ പ്രപഞ്ചം മുഴുവൻ കൂടെ നിൽക്കുകയായിരുന്നു…….. അഭിമുഖത്തിനിടെ തന്റെ പ്രണയത്തെക്കുറിച്ച് വാചാലനായി ബോളിവുഡ് താരം അഭിഷേക് ബച്ചൻ. നടി ഐശ്വര്യാറായ്ക്കും, അഭിഷേകിനുമിടയിൽ പ്രണയം സ്വാഭാവികമായി സംഭവിച്ചതായിരുന്നോയെന്ന ചോദ്യത്തിനുള്ള ഉത്തരമായായിരുന്നു അദ്ദേഹം ആരാധകർക്ക് മുൻപിൽ പ്രണയ നിമിഷങ്ങൾ ഒരിക്കൽ കൂടി പങ്കുവെച്ചത്.
പുതിയ ബിഗ് ബജറ്റ് ചിത്രം ബുള്ളിഷിന്റെ റിലീസിന് മുന്നോടിയായിരുന്നു അഭിമുഖം. അഭിഷേകിന്റെ ജീവിതത്തിലെ നിർണായകമായ സംഭവങ്ങളെക്കുച്ചായിരുന്നു അഭിമുഖത്തിലെ ഭൂരിഭാഗം ചോദ്യങ്ങളും. തന്റെ സിനിമാ ജീവിതത്തിൽ ഏറെ നിർണായകമായ സിനിമയാണ് ബാരിഷ് എന്നും അവിടെ നിന്നുമാണ് എല്ലാം ആരംഭിച്ചതെന്നും അഭിഷേക് പറഞ്ഞു.
തീർത്തും അപ്രതീക്ഷിതമായിരുന്നു പ്രണയത്തെക്കുറിച്ചുള്ള മാദ്ധ്യമ പ്രവർത്തകന്റെ ചോദ്യം. ഇരുവർക്കുമിടയിൽ പ്രണയം സ്വാഭാവികമായും ഉണ്ടായതാണോ?, അതോ ഐശ്വര്യയെ പ്രണയിക്കാൻ പ്രേരിപ്പിച്ചതായിരുന്നോ?എന്നായിരുന്നു ചോദ്യം. ഇതോടെയാണ് തന്റെ പ്രണയത്തെക്കുറിച്ച് അഭിഷേക് ഓർത്തെടുക്കാൻ ആരംഭിച്ചത്.
വളരെ ദീർഘകാലം താനും ഐശ്വര്യയും സുഹൃത്തുക്കൾ ആയിരുന്നുവെന്ന് അഭിഷേക് പറഞ്ഞു. സിനിമയിൽ ആദ്യമായി പ്രവർത്തിച്ച സഹതാരമാണ് ഐശ്വര്യ. ദായ് അഷ്കർ പ്രേം കെ യായിരുന്നു ഒരുമിച്ചുള്ള ആദ്യ ചിത്രം. പിന്നീട് നല്ല സുഹൃത്തുക്കളായി. ഒരുപാട് സിനിമകൾ ഒന്നിച്ച് ചെയ്തു. രണ്ട് പേർക്കും ഇത് മതിയായിരുന്നു. പിന്നീട് ഞങ്ങൾ ഒന്നിക്കാൻ പ്രപഞ്ചം മുഴുവൻ കൂടെ നിൽക്കുകയായിരുന്നുവെന്നും അഭിഷേക് കൂട്ടിച്ചേർത്തു.
നീണ്ട പ്രണയത്തിനൊടുവിൽ 2007 ലാണ് ഐശ്വര്യാറായും, അഭിഷേക് ബച്ചനും വിവാഹിതരായത്.
