സുരേഷ് ഗോപി ചിത്രം കാവലിന്റെ ഫസ്റ്റ് ലുക്ക് പോസ്റ്റർ പുറത്ത്. നിതിൻ രഞ്ജി പണിക്കർ സംവിധാനം ചെയ്യുന്ന ചിത്രത്തിൽ തമ്പാൻ എന്ന കഥാപാത്രത്തെയാണ് സുരേഷ് ഗോപി അവതരിപ്പിക്കുന്നത്. സിനിമയുടെ ചിത്രീകരണം കഴിഞ്ഞ വർഷം അവസാനം പൂർത്തിയാക്കിയിരുന്നു. ജൂലൈ രണ്ടിന് ചിത്രം തീയേറ്ററിൽ പ്രദർശനത്തിനെത്തുമെന്നാണ് സൂചന.
ഹൈറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥയാണ് ചിത്രം പറയുന്നത്. കസബയ്‌ക്ക് ശേഷം നിതിൻ രഞ്ജി പണിക്കർ സംവിധാനം ചെയ്യുന്ന ചിത്രമാണിത്. ചിത്രത്തിന്റെ തിരക്കഥ ഒരുക്കുന്നത് നിതിൻ തന്നെയാണ്. ഗുഡ്‌വിൽ എന്റർടെയ്ൻമെന്റ്‌സിന്റെ ബാനറിൽ ജോബി ജോർജ്ജാണ് ചിത്രം നിർമ്മിക്കുന്നത്. ലാൽ, ഐഎം വിജയൻ, അലൻസിയർ, പത്മരാജ് രതീഷ്, സുജിത് ശങ്കർ, സന്തോഷ് കീഴാറ്റൂർ, തുടങ്ങിയവരാണ് ചിത്രത്തിലെത്തുന്ന മറ്റ് പ്രധാന താരങ്ങൾ.
2020 ജനുവരിയിൽ ചിത്രീകരണം ആരംഭിച്ച കാവൽ ലോക്ഡൗണിനെ തുടർന്ന് നിർത്തിവെയ്‌ക്കുകയായിരുന്നു. പിന്നീട് ലോക്ഡൗൺ ഇളവുകൾ പ്രഖ്യാപിച്ചപ്പോൾ കൊറോണ മാനദണ്ഡങ്ങൾ പാലിച്ച് ചിത്രീകരണം പൂർത്തിയാക്കി. നേരത്തെ സുരേഷ് ഗോപിയുടെ പിറന്നാൾ ദിവസം ചിത്രത്തിന്റെ ടീസർ അണിയറ പ്രവർത്തകർ പുറത്തുവിട്ടിരുന്നു.
https://www.facebook.com/ActorSureshGopi/posts/2020916044717669
