ഊണിന് പേരുകേട്ട ഒരു വീടുണ്ട് വയനാട്ടില്. അതിന്റെ ഉടമകളായ രാജനും ഭാര്യ ലീലയ്ക്കും മുന്നില് എന്ത് കിട്ടിയാലും അവര് അച്ചാര് ഇട്ടു നോക്കും. കേള്ക്കുമ്പോള് വ്യത്യസ്തമായി തോന്നാമെങ്കിലും സംഭവം ഉളളതാണ്. അവരുടെ മുന്നില് ആരോഗ്യത്തിനു ദോഷകരമല്ലാത്ത് എന്തു കണ്ടാലും ഒന്ന് അച്ചാര് ഇട്ടു നോക്കിയാല് നന്നായിരിക്കും എന്ന ചിന്തിക്കുന്നവരാണ് ഇവര്. കേള്ക്കുമ്പോള് ഇതെന്തു കഥ എന്ന് തോന്നുന്നവര് നേരിട്ട് ഇവിടെയെത്തിയാല് സംഭവം വ്യക്തമാകും.
കാരണം ഒന്നും രണ്ടും അല്ല ഇരുന്നൂറില് പരം അച്ചാറുകളാണ് അവിടെ ഉണ്ടാക്കി വെച്ചിരിക്കുന്നത്. വയനാട് കല്പറ്റയില് നിന്ന് പതിനഞ്ച് കിലോമീറ്റര് ദൂരെയാണ് ഊണിന് പേരുകേട്ട ശ്രുതി മെസ്. ഇവിടെ ഊണിനൊപ്പം ഫേമസ് അച്ചാറുകളാണ്. ഈര്ക്കിലി, ഓറഞ്ച് തൊലി തുടങ്ങി കാന്താരി മുളകു മുതല് പനിനീര്പ്പൂവു വരെ അച്ചാറായി മുന്നിലെത്തും. അതില് അവരുടെ ഏറ്റവും സ്പെഷ്യല് വിഭവമായ ഈര്ക്കിലി അച്ചാര് എങ്ങിനെയാണ് തയ്യാറാക്കുന്നത് എന്നു നോക്കാം.
ഇതിനായി ഒരു പാന് എടുത്ത് അതില് നല്ലെണ്ണ ഒഴിച്ച് കൊടുക്കുക. ഇത് നന്നായി ചൂടായി വരുമ്പോള് ഇതിലേക്ക് കടുകിട്ടു കൊടുക്കുക. പിന്നീട് നല്ല പച്ച ഈര്ക്കിലി ചെറിയ കഷ്ണങ്ങളാക്കി ഇട്ടു കൊടുത്ത് നന്നായി വഴറ്റിയെടുക്കുക. ശേഷം പച്ചമുളക്, അച്ചാര് പൊടി, ഉലുവ, ഉപ്പ് എന്നിവ കൂടി ചേര്ത്ത് നന്നായി ഇളക്കി കൊടുക്കണം. പച്ചമണം മാറി വരുമ്പോള് ചൂടുവെള്ളം ചേര്ത്ത് കൊടുക്കണം. പിന്നീട് പത്ത് മിനിറ്റ് തിളപ്പിച്ച ശേഷം മുളകുപൊടിയും കായവും ചേര്ത്തു കൊടുക്കാം. പിന്നീട് തീ അണച്ച് വിനാഗിരി ചേര്ത്ത് കൊടുക്കുക. പിന്നീട് തണുത്ത ശേഷം പാത്രത്തിലേക്ക് മാറ്റുക. വളരെ വ്യത്യസ്തവും രുചികരവുമായ ഈര്ക്കിലി അച്ചാര് തയ്യാര്.
Comments