ഗുരുവായൂര് ക്ഷേത്രവും മനോഹരമായ ഗാനങ്ങളും തമാശകളും എല്ലാം കൊണ്ട് മനോഹരമായ അനുഭൂതി മലയാളികള്ക്ക് നന്ദനം സമ്മാനിച്ച ചിത്രമാണ് നന്ദനം. 2002 ല് രഞ്ജിത്തിന്റെ സംവിധാനത്തില് ഒരുങ്ങിയ ചിത്രം ഏറെ പ്രേക്ഷക ശ്രദ്ധ നേടിയിരുന്നു. ഇതിലെ ഓരോ ഗാനങ്ങളും ഒന്നിനൊന്നു മികച്ചവയാണ്. 2002 ല് രഞ്ജിത്തിന്റെ സംവിധാനത്തില് ഒരുങ്ങിയ ഈ ചിത്രത്തിലൂടെയാണ് പൃഥ്വിരാജ് മലയാള സിനിമയില് അരങ്ങേറ്റം കുറിച്ചത്.
നവ്യ നായരുടെ എക്കാലത്തെയും ഹിറ്റ് കഥാപത്രവും നന്ദനത്തിലെ ബാലാമണി തന്നെയാണ്. ആ സിനിമയില് കണ്ണനായി എത്തിയ അരവിന്ദും മലയാളികള്ക്ക് മറക്കാനാകാത്ത മുഖമാണ്. നവ്യയും അരവിന്ദും ചേര്ന്ന് നൃത്തം ചെയ്ത മനസില് മിഥുന മഴ എന്ന ഗാനം അന്നും ഇന്നും ഹിറ്റാണ്. 19 വര്ഷങ്ങള്ക്ക് ശേഷം അതെ ഗാനത്തിന് അതിലും മനോഹരമായി ചുവടുവയ്ക്കുകയാണ് നടനും നര്ത്തകനുമായ അരവിന്ദ്.
താരത്തിന്റെ ഈ വീഡിയോ സമൂഹ മാദ്ധ്യമങ്ങളില് ശ്രദ്ധേയമാകുകയാണ്. ഗുരുവായൂരപ്പനായി എത്തിയ അരവിന്ദിനെ മലയാളികള് ഏറ്റെടുത്തെങ്കിലും പിന്നീട് മറ്റ് ഭാഷ ചിത്രങ്ങളില് സജീവമായതോടെ താരം മലയാളത്തിലേക്ക് ഒരു മടങ്ങി വരവ് നടത്തിയിരുന്നില്ല. നന്ദനത്തിലായിരുന്നു നര്ത്തകനില് നിന്നും നടനിലേക്കുള്ള താരത്തിന്റെ ചുവടുമാറ്റം.
