കാബൂള്: അഫ്ഗാനില് പൊതുസമൂഹത്തിന് പുറമേ മാദ്ധ്യമപ്രവര്ത്തകര്ക്കു നേരേയും ഭീഷണിയുമായി താലിബാന് ഭീകരര്. അഫ്ഗാനിലെ രഹസ്യാന്വേഷണ വിഭാഗത്തിനും ഭരണകൂടത്തിനും ഒത്താശചെയ്യുന്ന മാദ്ധ്യമ നയം മാറ്റിയില്ലെങ്കില് ശക്തമായ ആക്രമണം നടത്തുമെന്നാണ് മുന്നറിയിപ്പ്. അഫ്ഗാനിലെ മാദ്ധ്യമങ്ങള് ഭരണകൂടത്തിനായും രഹസ്യാന്വേഷണ വിഭാഗത്തിനായും മാത്രം പ്രവര്ത്തിക്കുന്നവരാണ്.
നിഷ്പക്ഷമായ മാദ്ധ്യമപ്രവര്ത്തനമാണ് താലിബാന് ആഗ്രഹിക്കുന്നത്. ഏകപക്ഷീയമായ മാദ്ധ്യമനയം ശക്തമായ തിരിച്ചടിക്ക് കാരണമാകും. താലിബാന് വക്താവ് സാബുള്ള മുജാഹിദാണ് മാദ്ധ്യമങ്ങള് പൊതുസമൂഹത്തില് താലിബാനെതിരെ അസത്യപ്രചാരണങ്ങള് നടത്തുന്നതെന്ന് വിമര്ശിച്ചത്. അമേരിക്കയുടെ സൈനിക പിന്മാറ്റ സൂചനകള് വന്നശേഷം അഫ്ഗാനിലെ പൊതുവിഷയങ്ങളിലടക്കം താലിബാന്റെ ഇടപെടല് പ്രകടമാകുന്നതിന്റെ ഭാഗമായാണ് മാദ്ധ്യമങ്ങളെ നിയന്ത്രിക്കാനുള്ള ശ്രമമമെന്ന് രഹസ്യാന്വേഷണ വിഭാഗം പറഞ്ഞു.
